1 KORINTUS 14:22 - KITTA' MATANGKASA'

²² Jari anjo pakkullea a'bicara a'rupa-rupa bicara appakalannasa', a'jari pammatei mae ri sikamma tau tenaya natappa'; jari teai untu' tau tappaka. Siagang pakkullea untu' ampappiassengangi rancanaNa Allata'ala mae ri taua a'jari pammatei mae ri tau tappaka, teai mae ri tau tenaya natappa'.

1 KORINTUS 14:22 Referans Kwoze

MARKUS 16:17

Na la'jari buttia angkanaya tappaki ke'nanga, lanabongkami setanga lalang arengKu; la'bicarai ke'nanga lalang a'rupa-rupa bicara tenaya napahangi ke'nanga.

1 TIMOTIUS 1:9

Tantu musti niu'rangi angkanaya teai untu' tau bajika nanipare' anjo hukkung-hukkunga, passangalinna untu' sikamma tau andakkayai hukkunga, tau bannaka, tau dorakaya, tau tenaya agamana, tau assipa' pakkalinoanga, tau ambunoai tau toana, yangasenna tau pabunoa,

1 KORINTUS 14:1

Usahakangi mangngamaseanga ri parannu tau siagang usahakang tongi sollanna nutarima sikamma passare battua ri RohNa Allata'ala; lomoro' se'rea iamintu nanutarima pakkullea untu' ampabattui sikamma rancanaNa Allata'ala mae ri rupataua.

LUKAS 12:46

Jari tanasanna-sannayami angkana ri allo apaya siagang tette' siapa nalammotere' karaenna. Na laniba'jimo nipasitangnga mate anjo palayanga ri karaenna, sa'genna nipasangkamma sarenna siagang sikamma tau tenaya namannuruki ri Allata'ala.