1 KORINTUS 14:11 - KITTA' MATANGKASA'

¹¹ Mingka punna takupahanga bicara napaua se'reang tau, anjo taua a'jarimi sanrapang tu battu pantarang pa'rasangang mae ri nakke; kammayatompa inakke sanrapamma' tu battu pantarang pa'rasangang mae ri anjo taua.

1 KORINTUS 14:11 Referans Kwoze

LAMPA-LAMPANA 28:2

Sanna' ngaseng baji'na tuma'buttana anjo puloa mae ri kambe. Natarima maki' baji'-baji' siagang naparinrang maki' pepe' nasaba' appakkaramulami turung bosia kammayatompa sanna' tommo dinginna pakkasiaka.

KOLOSE 3:11

Kale'bakkanna allanynya'mi sikontu passimmaraenganna tu Yahudia siagang bansa-bansa maraenga, yareka tu nisunnaka siagang tu tenaya nisunnaki; tenamo passimmaraengang ri bansa battu-battua siagang tau bambalaka; tenamo passimmaraengang ri tu a'jari ataya siagang tu bebasaka; nasaba' Almasimi a'jari yangaseng-ngasenna. Asse're ngasemmi ke'nanga lalang ri Almasi!

1 KORINTUS 14:21

Nia' tattulisi' lalang ri Kittaka angkanaya, “Nakana Batara, ‘Tete ri sikamma tau a'bicaraya siagang bicara appakalannasa', erokKa' a'bicara mae ri anne ummaka. Ba'lalo, tete ri bansa-bansa maraenga, erokKa' a'bicara mae ri ummakKu; mingka manna nakamma, taerokai ke'nanga allangngereki kana-kanangKu.’ ”

ROMA 1:14

Nasaba' nia' tugasakku mae ri sikontu bansaya: ia angngassengamo atorang yareka tenapa nangngasseng atorang, ia niaka sikolana yareka tenayapa sikolana.

LAMPA-LAMPANA 28:4

Nacini'na tuma'buttaya anjoreng ri anjo puloa ta'gentung anjo ularaka ri limanna Paulus, massing nakanamo ke'nanga, “Ma'nassa pabuno tau anne taua. Nasaba' manna pole ta'lappasa'mi battu ri bahaya ri tamparanga, mingka tena nikellai attallasa' ri Dewi Kaadelanga.”

1 KORINTUS 14:10

Nia' siapa are jaina rupanna bicara lalang ri anne linoa, mingka tenanniakka manna sirupa anjo bicaraya tania' battuanna.