1 KORINTUS 13:4 - KITTA' MATANGKASA'

⁴ Tau mangngamaseanga ri paranna tau, iamintu tau sa'baraka siagang baji' ati. Tena nasanna' pasereatina, tena natinggi langga siagang tena natampo.

1 KORINTUS 13:4 Referans Kwoze

1 PETRUS 4:8

La'biangampa pole nayangasennaya, paralluko attojeng-tojeng massing sikamaseang; nasaba' punna massing sikamaseangko sadia tommako untu' sipammopporang.

EFESUS 4:32

Paralluko baji' ati siagang tuna pa'mai' mae ri massing para ikau; kammayatompa massing sipammopporangko, sangkamma todong Napammopporangko Allata'ala tete ri Almasi.

KOLOSE 3:12

Ikau Umma'Nako Allata'ala. Nakamaseangko Allata'ala siagang Napileiko Allata'ala untu' a'jari umma'Na nasa'la' maraenga. Iaminjo saba'na numusti mangngamaseang, baji' pa'mai', tuna pa'mai', tena nukasara', siagang attahangko angkasiaki pa'risika.

PANGNGEBARANG 10:12

Kabirissanga appaumbai pa'beserang; mangngamaseanga napammopporangi sikontu kasalanga.

1 YOHANES 4:11

Sikamma sari'battangku, sannaka kukarimangnginna; punna sanna' bateta nikamaseang ri Allata'ala, musti massing sikamaseang tongki'.

PANGNGEBARANG 17:9

Punna erokko ningai ri taua, pammopporangi kasalang nagaukanga ke'nanga. Punna manynyero kana ri kasalang poro mannappu'ji bawang passari'battangang.

1 PETRUS 3:8

Bodona kana iaminne: parallu ngasengko ma'julu kana siagang majulu pa'mai'. Paralluko sikarimangngi sangkamma tau assari'battanga. Siagang paralluko sikama'-kamaseang siagang tuna ri pa'mai'.

1 TESALONIKA 5:14

Kipala' tongi mae ri kau ngaseng sari'battang, sollanna nupakainga' siagang kana-kana baji' tau tenaya naero' anjama lalang ri katallassanna. Pakalompoi pa'mai'na tau la'ba pa'maika; tulungi tau tenaya pakkullena, siagang sa'barakko mae ri yangasenna taua.

2 PETRUS 1:7

Siagang sipa'rurunganna mannurukia ri ero'Na Allata'ala, musti nigannakki tongko sipa' mangngamaseang mae ri parannu tu Karisteng. Nampa parallu tongi nutambai anjo sipa' mangngamaseanga ri parannu tu Karisteng siagang sipa' mangngamaseang mae ri yangasenna taua.

EFESUS 4:2

Paralluko tuna pa'mai', lamma bicarannu, siagang sa'bara'. Pappicinikangi pangngamaseannu lalang ri passitulung-tulunganga.

2 KORINTUS 6:6

Tulusu' pa'mai' maki', mangngasseng baji' maki', sa'bara' maki', kammayatompa baji' pa'mai' maki' mae ri kau ngaseng, sollanna nuasseng angkanaya ikambe anne ma'nassa atanNaki' Allata'ala. Kammayatompa tanjeng maki' mae ri Roh pannulunNa Allata'ala, mangngamaseang maki' situlusu' pa'maitta;

PANGNGEBARANG 19:22

Sipa' nitayanga battu ri se'rea tau iamintu tamamminrana. Bajikangngangi kasi-asia kala a'jari paballe-ballea.

KOLOSE 1:11

Poro nipakajarrekko lanri kakoasang malompoNa Allata'ala, sa'gennu akkulle attahang angkasiaki sikamma kapa'risanga siagang sa'bara', yareka sannang pa'mai',

GALATIA 5:26

Takkulleaki' a'jari tampo, yareka sipa'ri'-pa'risi pa'mai', kammayatompa assikimbu'-kimburui.

1 KORINTUS 4:6

Sikamma sari'battangku! Lanri untu' kaparalluannu ngaseng, nakalengkumo siagang Apolos kupitujui anne bicaraya; sollannu akkulle accini' conto mae ri kambe, angkanaya antekamma batenu appilajara' ampahangi anne bicara angkanaya, “Anna'gala' majarre' mako mae ri paratorang niaka.” Sa'genna tenamo manna sitau akkulle ampakalompo dudui se'rea tau, nampa nacini' tuna maraenganga.

2 TIMOTIUS 4:2

Parallui nubirittakang anjo biritta battua ri Allata'ala; paralluko tuli sadia lalang ri wattu bajika yareka ri wattu tenaya nabaji'. Parallui nupa'jari tappa' taua, nupauang kasalanna, siagang nupakamaju ke'nanga. Sa'bara' tojeng-tojengko angngajaraki taua.

2 TIMOTIUS 3:10

Mingka ikau nuturukimi sikamma pangngajarangku, panggaukangku, siagang pamangeanna katallassangku. Nucini'mi kalennu antekamma attojeng-tojengku tappa' ri Isa Almasi, kasa'barrangku, pangngarimangngingku siagang pangngamaseangku ri paranta tau.

PANGNGEBARANG 31:26

Lammai bicaranna; cara'deki kana-kananna.

PANGNGEBARANG 31:20

Tena nagi'gili' mae ri tau kakuranganga; baji' pa'maiki mae ri parallua nitulung.

PANGNGEBARANG 17:14

Appakaramulaya pa'beserang sanrapangi anynyungke oloang je'ne'; lanri kammana anjo, ammono'boko mako ri tenanapa nappakkaramula anjo pa'beseranga.

NEHEMIA 9:17

Tamannurukiai ke'nanga, nakaluppai sikontu kabajikanTa, tenai ri pangngu'ranginna sikamma gau' mappakalannasatTa. Tampomi ke'nanga ammile sitau pamimping, untu' angngerangi ke'nanga ri Mesir, ammotere' a'jari ata. Mingka iKatte Allata'ala mangngai mappammopporang, sarro sa'bara', lammoro' pa'mai', sukku' pangngamaseang. Teai sipato' heba'na pangngamaseanTa; tena naKibokoi ke'nanga.

1 PETRUS 2:1

Lanri kammana, pela'mi sikontu apa ja'dalaka battu ri kalennu; tea' mako a'balle-ballei pole, siagang tea' mako assara-sarai. Teako pakimburui, siagang teako hinai parannu tau.

TITUS 3:3

Nasaba' ikatte riolo dongo' tonjaki', lingu tonjaki' siagang tena tonja nimappilangngeri. Nipare' ataki' ri a'rupa-rupaya hawa napasuta siagang kacinnanta; a'rupa-rupai ero' ja'dalatta, assereatiki', siagang sikabiri'-birisiki'.

1 KORINTUS 3:3

nasaba' mannuruki ijako ri cara sipa'-sipa' rupataua lalang ri katallassannu. Nasaba' punna massing sikimburu ijako siagang masarro ijako assiba'ji para ikau, sai iami anjo buttina ma'nassanu mannuruki ijako ri cara sipa'-sipa' tau tenaya natappa' ri Allata'ala lalang ri katallassannu?

LAMPA-LAMPANA 7:9

Na anjo boe-boeta assereati mae ri Yusuf, sa'genna nabalukang anjo Yusuf a'jari ata ri Mesir. Mingka nirurungangi Yusuf ri Allata'ala,

KATO'BA 10:4

Punna nikalarroiko ri tukoasaya, teako palaki ammari anjama. Manna lompo kasalannu, nipammopporangko punna sannangko siagang sa'barakko.

PANGNGEBARANG 13:10

Katampoanna poro pa'beserang bawang napaumba; tau cara'deka eroki annarima pangngajarang.

PAMMUJI 10:5

Anjari ngaseng sikontu usahana tu ja'dalaka; tanaassengai yareka tanapahangai hukkunNa Batara na nacini' tuna sikontu balinna.

2 TIMOTIUS 2:25

Musti tunai angngajaraki tau nangaia pabali-bali; barang nisareji kasampatang ri Allata'ala anjo ke'nanga untu' a'jari toba' battu ri dosa-dosana siagang naasseng pangngajarang tojenga.

1 TIMOTIUS 6:4

yangasenna anjo tau kammaya sangnging tau tampo, mingka tena apa-apa naasseng! Ia garrinna ke'nanga iamintu nangai a'gea'-geaka siagang a'besereka passabakkang bicara appamumbaya sereati, passisa'la-sa'lakkang, pitina, sibata-batai kodia,

1 KORINTUS 8:1

Kamma-kamma anne ri passala'na kanre nipassareanga mae ri barhalaya. Memang annabai apa napaua taua angkana, “Ikatte cara'de' ngaseng maki'.” Mingka anjo kacara'dekanga akkulle napa'jari tampo taua; na anjo pangngamaseanga akkullei nabangung kalenna taua.

ROMA 1:29

Sangnging kaja'dallang mami lalang ri atinna ke'nanga, sangnging apa tenaya nannaba; sangnging kangoang, kabottokang siagang sereati; sangnging eroka ammuno, assiba'ji, annipu, siagang sentimeng. Nangai ke'nanga nabicara paranna tau,

PA'JARIANG 37:11

Sikamma daenna Yusuf angngiri mata ngasemmi. Mingka ia manggena, tuli nanawa-nawami anjo so'naya.

YAKOBUS 4:5

Teako kapangngi angkanaya tena saba'na punna nakana Kittaka, “Ilalang ri kalenta nia' Naboli' Allata'ala Roh sannaka terasa'na cinnana.”

1 KORINTUS 4:18

Nia' siapa are battu ri kau a'jari tampo, lanri nakana kapang ke'nanga talabattua' mae ri kau ngaseng.

ROMA 13:13

Musti nigaukangi apa-apa mala'birika, sangkamma biasaya nagaukang taua ri wattu singaraka; teako alla'bi dudu batenu assua'-suara', yareka teako ta'liwakki batenu angnginung sa'gennu nasa'ring. Teako assalimaraki, yareka teako appanggaukang kammai tu tena nungngasseng atorang. Teako assiba'ji, yareka teako assereati.

KOLOSE 2:18

Teako pa'biangi kalennu nipakarugi ri tau assara-saraia napakatuna kalenna siagang anynyombaya malaeka'-malaeka'. Anjo tau kammaya tampoi ri pikkirang-pikkirang pakkalinoanga siagang napa'borro-borroangi apa tasamara' le'baka nacini' ke'nanga;

FILIPI 1:15

Memang, nia' siapa are ri ke'nanga ambirittakangi Almasi lanri assereatina siagang ero'na a'boya pa'beserang; mingka nia' todong maraengang attojeng-tojeng memang tongi ambirittakangi Almasi.

2 KORINTUS 12:20

Ranggaselai nyawaku gassingka punna battua' sallang angkunjungiko nakurapikangko tasangkammaya apa kuminasaia. Kammayatompa nurapikang tonga' tasangkammaya pa'minasanu. Gassingka nia' sallang kurapikang passiba'jiang, sereati, pa'bambangang, kaparalluang kalennaji bawang naboyai, sipitina, sikompa-kompa sala, katampoang siagang karicuang.

1 KORINTUS 5:2

Mingka manna nakamma, ero' ijako tuli attampo-tampo. Sikontutojenna, musti si'nai nyawanu siagang musti nupassuluki anjo tau a'gau' kammaya battu ri alla'nu.

MATIUS 27:18

Nakkana kamma anjo Pilatus, kasaba' naassengi angkanaya na napassareang ke'nanga Isa, lanri assereati ke'nanga ri Isa.

PA'JARIANG 30:1

Mingka Rahel tena memampa nanggappa ana'. Lanri kammana angngiri matami ri daenna. Nampa nakanamo ri Yakub, “Sarema' ana'. Punna tena lamatea' kusa'ring.”