1 KORINTUS 12:6 - KITTA' MATANGKASA'

⁶ A'rupa-rupai cara untu' anjamai jama-jamanNa Batara, mingka se'reji Allata'ala assareai kagassingang sikamma anjo tau anjamaya.

1 KORINTUS 12:6 Referans Kwoze

1 KORINTUS 12:11

Mingka se'reji Roh anggaukangi anjo sikammaya; massing nisarei tasse're-se'rea tau pakkulle, situru' ero' KalenNa RohNa Allata'ala.

1 KORINTUS 3:7

Jari ia parallua iamintu Allata'ala, nasaba' Iami appattimbo. Tau a'lamunga siagang tau anynyiranga je'ne' tena naparallu;

YOHANES 5:17

Mingka Nakanamo Isa ri ke'nanga, “Sa'genna kamma-kamma anne tuli anjamana BapakKu, jari iaminjo naKuanjama todong.”

KOLOSE 3:11

Kale'bakkanna allanynya'mi sikontu passimmaraenganna tu Yahudia siagang bansa-bansa maraenga, yareka tu nisunnaka siagang tu tenaya nisunnaki; tenamo passimmaraengang ri bansa battu-battua siagang tau bambalaka; tenamo passimmaraengang ri tu a'jari ataya siagang tu bebasaka; nasaba' Almasimi a'jari yangaseng-ngasenna. Asse're ngasemmi ke'nanga lalang ri Almasi!

EFESUS 4:6

siagang se'reji Allata'ala a'jari Manggea mae ri sikontu rupataua. Iami Batara makoasa mae ri sikontu linoa, anggaukangai sikontu jama-jamanga, siagang makoasaya mae ri sikontu apa niaka lalang lino.

IBRANI 13:21

Poro Allata'ala, iamintu kabattuanna barakka' kasalewanganga ampassukku' ngasengko siagang sikontu apa-apa baji', nuparalluanga untu' anggaukangi ero'Na. Poro tete ri Isa Almasi, naNagaukang Allata'ala lalang ri kalenta apa Nakaerokia. Poro tuli nipuji-puji Almasi sa'genna satunggu-tungguna! Aming.

KOLOSE 1:29

Untu' yangasennami anjo passalaka nakuanjama terasa'mo. Usaha tojeng-tojemma' siagang sikontu pakkulle Napassareanga Almasi mae ri nakke; na anjo anjamaya lalang ri kalengku sanna' makoasana.

FILIPI 2:13

nasaba' KalenNa Allata'ala anjama lalang ri kalennu, sa'gennu ero' siagang akkulle ampakarannui pa'mai'Na Allata'ala.

1 KORINTUS 15:28

Mingka punna le'ba' ngasemmo nipasomba irawangang pamarentahanNa Almasi, iami KalenNa, iamintu Ana'Na Allata'ala, ampasombai KalenNa mae ri Allata'ala, Ia le'baka ampasombai sikontu apa-apa niaka mae ri dallekanNa. Jari KalenNami Allata'ala lammarenta mae ri sikontu apa-apa niaka.

AYUB 33:29

A'mole-molemi Nagaukang Allata'ala yangasenna anne kammaya,

1 KORINTUS 12:5

A'rupa-rupai jama-jamang untu' allayani Batara, mingka anjo Batara nilayania, Batara se're tonji bawang!