1 KORINTUS 11:17 - KITTA' MATANGKASA'

¹⁷ Mingka ri passala'na anne eroka kusero kana pole, takkulleako kupuji. Nasaba' punna a'rappungangko anggaukangi sambayannu teai apa-apa langngeranga kabajikang wassele'na, mingka kakodianga.

1 KORINTUS 11:17 Referans Kwoze

1 PETRUS 2:14

kammayatompa mae ri guburnur nisarea koasa ri anjo Kapala pamarentahang untu' anghukkungi tau a'gau' ja'dalaka siagang untu' ampakalompoi tau a'gau' bajika.

IBRANI 10:25

Teako takkaluppai tuli a'rappungang, sangkamma tau maraenga. Ikatte paralluki' la'bi tamalanre massing sipakajarre'; nasaba' niassengi angkanaya tasalloami Nabattu poleang Batara.

1 KORINTUS 14:23

Lanri kammana, ebara' angkana a'rappungang jama'aka, nampa a'bicara appakalannasa' ngaseng sikontu jama'aka, nania' hadere' siapa are tu battu pantarang, yareka tu tenaya na Karisteng, tantu lanakanamo anjo taua angkanaya pongoro' ngasengko.

1 KORINTUS 11:22

Angngapa nakkulle kamma? Sai massing nia' balla'nu? Akkulleko angnganre angnginung massing ri balla'nu. Yareka erokko anghinai jama'aNa Allata'ala siagang ampakasiriki tu kasi-asia? Jari apa musti kukana ri kau ngaseng? Musti kupujiko? Tena! Tena sikali nalakupujiko!

1 KORINTUS 14:26

Jari, apa ngaseng battuanna anne, sari'battang? Punna a'rappungangko ero' anynyomba ri Batara, bajiki punna nia' akkelong, nia' angngajara', nia' ampabattui apa-apa battua ri Allata'ala, nia' a'bicara siagang bicara appakalannasaka siagang nia' ampakasingaraki battuanna anjo bicara appakalannasaka. Mingka yangasenna anjo musti nugaukangi untu' angngajara' siagang untu' kabajikannu ngaseng.

1 KORINTUS 11:2

Siratangko kupuji nasaba' tuli nuu'rangia' siagang tuli nuta'gala' jarreki pappilajarang le'baka kupassareang mae ri kau.

KAIMANGNGANG 19:17

Teako pammoli'-molikangngi parannu tau, manna pole inai. Pakabajiki punna nia' passisala-salannu manna pole inai nuagang sisala-sala, sollanna tena nudoraka passabakkang tau maraeng.

1 KORINTUS 11:34

Punna nia' tau cipuru', parallui angnganre rolong ri balla'na. Punna nuparhatikang anne kammaya anjo pa'rappungang sambayannu, tenamo nalappabattu hukkungang mae ri kalennu. Ia passala' maraenganga, battupa' sallang nampa kupakasingariangko!

1 KORINTUS 11:20

Sikontutojenna teai ParjamuanNa Batara nugaukang punna a'rappungangko.

PANGNGEBARANG 27:5

Bajikangngangi pappasaile nilambusianga kala pangngamaseang tenaya nanipasuluki.

ROMA 13:3

Nasaba' inai-nai a'gau' baji' tena naparallu malla' mae ri pamarentaya. Iaji tau a'gau' kodia musti malla'. Punna erokko tena numalla' ri pamarentaya, musti a'gau' bajikko, nanuanggappa pammuji.