1 KORINTUS 11:12 - KITTA' MATANGKASA'

¹² Nasaba' manna nabattu ri tu bura'nea nipa'jari tu bainea ri uru-uruna, mingka ri le'ba'namo anjo battu ri tu baineami lassu' tu bura'nea; mingka sikontu-kontuna Allata'ala ngaseng assala'na.

1 KORINTUS 11:12 Referans Kwoze

ROMA 11:36

Allata'ala ampa'niaki sikontu apa-apa niaka. Sikontu apa-apaya battu ri Allata'ala kabusuki assala'na siagang untu' Allata'ala kabusu'. Nipujimi Allata'ala sa'genna satunggu-tungguna! Aming.

1 KORINTUS 8:6

Mingka untu' ikatte, se'reji bawang Allata'ala. Iami Manggeta, ampa'jariai sikontu apa niaka. Untu' Iami nakiattallasa'. Kammayatompa se'reji Batara, iamintu Isa Almasi. Tete ri Iami nanipa'jari sikontu apa niaka, kammayatompa lanri Iami nakiattallasa'.

PANGNGEBARANG 16:4

Sikontu apa Napareka Batara nia' natuju; na natujua tau ja'dalaka iamintu kapanrakang.

1 KORINTUS 11:11

Mingka manna nakamma ilalang katallassanta, ikatte tu Karistenga, tena nammenteng kale-kale bai'-bainea, ta'lappasa' battu ri tu bura'-bura'nena; kammayatompa tena nammenteng kale-kale bura'-bura'nea, ta'lappasa' battu ri tu bai'-bainena.

2 KORINTUS 5:18

Yangasenna anjo sangnging Allata'ala anggaukangi. Tete ri Isa Almasi Napa'jari assibajiki maki' mae ri KalenNa, nampa Nasareki' tugasa' sollanna akkulle todong tau maraenga assibajiki siagang Allata'ala.