1 KORINTUS 11:10 - KITTA' MATANGKASA'

¹⁰ Iami anjo saba'na, sollanna napakasannang atinna sikontu malaekaka musti tuli ammakei bongong tu bai'-bainea untu' a'jari pammatei angkanaya niaki irawangang kakoasanna tu bura'-bura'nena.

1 KORINTUS 11:10 Referans Kwoze

IBRANI 1:14

Jari punna kamma, apai sikontutojenna anjo malaeka'-malaekaka? Anjo ke'nanga, iamintu roh-roh allayaniai Allata'ala, siagang nisuroa ri Allata'ala antulungi sikontu tau lannarimaya kasalamakkang.

MATIUS 18:10

“Tutuko! Tea' laloko hinai kalase'renna anne tau ca'di kammaya. Nasaba' u'rangi angkanaya, tuli niaki malaeka'na ke'nanga ri dallekanNa ManggeKu ri suruga. [

PA'JARIANG 20:16

Nampa nakana ri Sara, “Le'baki kusare daennu sisa'bu doe' pera' a'jari butti mae ri sikontu taua angkanaya ikau tena tojeng-tojeng nusala.”

KATO'BA 5:6

Sangkamma jaina so'na tena battuanna, kamma tomminjo jai bicara tena matu-matunna. Mingka malla' lalo mako mae ri Batara.

1 KORINTUS 11:9

Siagang teai untu' kaparalluanna tu bai'-bainea nanipa'jari tu bura'-bura'nea, passangalinna tu bai'-baineaji nipa'jari untu' kaparalluanna tu bura'-bura'nea.

1 KORINTUS 11:11

Mingka manna nakamma ilalang katallassanta, ikatte tu Karistenga, tena nammenteng kale-kale bai'-bainea, ta'lappasa' battu ri tu bura'-bura'nena; kammayatompa tena nammenteng kale-kale bura'-bura'nea, ta'lappasa' battu ri tu bai'-bainena.