1 KORINTUS 10:12 - KITTA' MATANGKASA'

¹² Inai-nai nakana kalenna kassa' ri pammentenganna, parallui tutu, sollanna tena natu'guru'.

1 KORINTUS 10:12 Referans Kwoze

ROMA 11:20

Anjo kammatojengi. Mingka nanipela' ke'nanga lanri tenana natappa' ke'nanga, naikau nitarimako lanri tappa'nu. Jari lanri kammana, teako a'jari tampoi; passangalinna musti mallakko.

2 PETRUS 3:17

Mingka ikau sikamma sari'battangku sannaka kukamaseanna, nuasseng ngasemmi anne passalaka. Lanri kammana, tutu laloko, gassingka katuru'-turukangko mae ri kalinguanna anjo tau tenaya naassengi atoranga sa'gennu tu'guru' battu ri pammantangang amanga.

PANGNGEBARANG 16:18

Kaborroanga angngerangi kapanrakang; katampoanga angngerangi karuntungang.

1 KORINTUS 8:2

Punna nia' tau nakana kalenna jaimi apa-apa naasseng, sikontutojenna tenapa naasseng bajiki anjo apa-apaya.

PANGNGEBARANG 28:14

Tuli pakalompoi Batara, na nulamate'ne. Punna nubaliangi, langgappako bala.

LUKAS 8:18

Lanri kammana, pilangngerimi baji'-baji' apa-apa nulangngereka. Nasaba' tau niakamo apa-apanna lanitambaiangi pole jaiangang; mingka tenaya apa-apanna, manna apa sike'deka ri ia lanialleangi pole ammotere'.”

KOLOSE 2:8

Paralluko tutu, gassingka nia' tau anggodako siagang pikkirang tenaya matu-matunna siagang angngeranga mange ri oloang salaya. Anjo pikkirang-pikkirang kammaya teai pikkirang battu ri Isa Almasi, passangalinna pikkirang battuji ri rupataua siagang roh-roh koasaya ri anne linoa.