1 KORINTUS 10:10 - KITTA' MATANGKASA'

¹⁰ Takkullea tongki' a'moro-moro, akkunrareng; sangkamma nagaukanga ke'nanga riolo, sa'genna nibuno ke'nanga ri Malaeka'na Kamateanga.

1 KORINTUS 10:10 Referans Kwoze

PAMMILANGNGANG 16:41

Ammukona bari'basa' a'larro-larromi sikontu bansa Israel mae ri Musa siagang Harun. Nakana ke'nanga, “Le'ba'mi nubuno umma'Na Batara.”

PAMMILANGNGANG 14:2

A'moro-moromi ke'nanga mae ri Musa siagang Harun angkana, “Bajikangngangi punna mateki' ri Mesir yareka anrinni ri parang lompoa! Lappassang maki' mate!

1 PATTOTTORANG 21:15

Nampa nia'mo malaeka' Nasuro Batara angngancuruki Yerusalem. Mingka ri wattunna battumo anjo malaekaka ri ampi'na panggilingang gandunna Arauna tu Yebus, Napinrami Batara kaputusanNa untu' anghukkungi anjo bansaya. Nakanamo ri anjo malaekaka, “Angganna'mi! Sudamo!”

FILIPI 2:14

Gaukammi sikontu jama-jamannu; mingka teako a'moro-moroi yareka teako a'besereki anggaukangi.

2 SAMUEL 24:16

Anjo malaeka'Na Batara angngeranga bala kamateang anrapi'mi mange ri tampa' panggilingang gandunna Arauna, tu Yebus. Ri wattunna Nacini' Batara angkanaya sadiami anjo malaekaka untu' amputtai Yerusalem, Napinrami Batara kaputusanNa, siagang ammari anghukkungi anjo bansaya. Nakana ri anjo malaekaka, “Ganna'mi! Ammari mako!”

PAMMUJI 106:25

A'moro-moroi ke'nanga lalang ri kemana nataeroka ampilangngeri sa'ranNa Batara.

KALAPPASSANG 12:23

Ri wattunna Nainroi Batara anne pa'rasanganga untu' ambunoi tu Mesirka, laNaciniki Batara anjo cera' niaka ri ruaya benteng pakke'bu'nu siagang irateanganna pakke'bu' balla'nu; jari laNalaloiji bawang balla'nu siagang tena Napa'biangi Malaeka' Kamateanga antama' ri balla'nu untu' ambunoko.

YUDAS 1:16

Anjo taua tuli a'reku'na ngaseng giginna siagang tuli nasalakanna tau maraenga. Tuli naturukiangi ke'nanga apa nakaerokia pa'mai' dorakana ke'nanga. Napalecei kalenna ke'nanga, siagang a'bali' ballammi ke'nanga sollanna akkulle anggappa passawallang.

KALAPPASSANG 15:24

A'moro-moromi anjo taua mae ri Musa siagang akkuta'nammi ke'nanga ri ia angkana, “Apamo laniinung?”

LAMPA-LAMPANA 12:23

Mingka anjo wattua battumi malaeka'Na Batara antempaka'rangi Herodes, lanri tenana nahargai Allata'ala. Nikanremi Herodes ri gallang-gallang nampa mate.

2 PATTOTTORANG 32:21

Nampa akkirimmo malaeka' Batara untu' ambunoi anjo sikamma tantarana siagang perwira-perwirana tu Asyur. Teaimi sipato' siri'-siri'na karaeng Asyur ammotere' mange ri pa'rasanganna. Ri se'reang allo, ri wattunna sitabang nia' lalang ri balla' rewatana, nia'mo siapa are tau battu ri ana' bua kalenna ambunoi siagang pa'dang.

PAPPICINI' 16:1

Nampa nia' kulangngere' sa'ra lompo battu lalang ri Balla'Na Allata'ala angkana mae ri anjo tujua malaeka' angkana, “A'lampako nanutumpa bonena anjo pammoneang kalarroanNa Allata'ala naung ri buttaya!”

IBRANI 11:28

Lanri tappa'na nappare'mo Passua'-suarrang untu' Allo Kalappassang; siagang nasuro ba'basa'mi cera' olo'-olo' sikamma tompo' pakke'bu'na tu Israelka, sollanna tanibunoa ana' bungasa'na ke'nanga ri Malaeka' Paalle Nyawaya.

PAMMILANGNGANG 16:11

Punna ikau siagang sikamma tumminawannu a'moro-moro mae ri Harun, sikontutojenna angngewa mako mae ri Batara!”

PAMMILANGNGANG 17:5

Anjo takkanna tau Kupilea laccu'laki. Kammaminjo caraKu lampamari kunrarenna sikamma tau tulusu' a'moro-moroa mae ri kau.”

PAMMILANGNGANG 17:10

Nampa Nakanamo Batara mae ri Musa, “Padongkoki ammotere' takkanna Harun ri dallekanna Patti Parjanjianga. Anjo takkanga musti niboliki salaku pappiu'rangi mae ri tu Israel nangaia angngewa, sollanna mate ke'nanga punna tena nammari a'moro-moro.”