1 KORINTUS 1:14 - KITTA' MATANGKASA'

¹⁴ Sukkurukka', nasaba' tena manna sitau le'ba' kuje'ne' ri kau ngaseng, pantaranganna Krispus siagang Gayus.

1 KORINTUS 1:14 Referans Kwoze

LAMPA-LAMPANA 18:8

Mingka kapalana anjo balla' sambayanga, iamintu niarenga Krispus siagang sikontu tau niaka ri balla'na, a'jari tappa'mi ri Batara Isa. Siagang pole jai tommi tu Korintus maraenganga allangngereki anjo kabara' napabattua Paulus, na'jari tappa' mae ri Isa nampa nije'ne' ke'nanga.

ROMA 16:23

Gayus, appikatu tongi sallang mae ri kau ngaseng. Anjorenga' ri balla'na ammantang, siagang anjoreng tommaki' ri balla'na assambayang. Erastus, kapala bendaharana kotaya appikatu tongi sallang mae ri kau ngaseng, kammayatompa Kwartus sari'battanta. [

1 TESALONIKA 5:18

Lalang yangasenna katallassannu paralluko tuli appala' sukkuru'; nasaba' iaminjo Nakaerokanga Allata'ala mae ri kau salaku tau ampakase'reai katallassanna siagang Isa Almasi.

KOLOSE 3:17

Sikontu apa nugaukanga yareka nupaua, musti nugaukangi siagang nupaui lalang arenNa Batara Isa. Appala' sukkurukko mae ri Allata'ala Manggea lanri apa le'baka Nagaukang Isa untu' ikau.

KOLOSE 3:15

Parallui passiamakkang Napassareanga Almasi lalang ri atinnu ampattantui apa-apa eroka nutappuki. Nasaba' Nakiokko Allata'ala untu' a'jari anggota ri se'rea tubu, sollannu akkulle attallasa' lalang passiamakkang lanri anjo Almasi. Paralluko appala' sukkuru'.

EFESUS 5:20

Lalang ri apa-apa mamo, paralluko tuli appala' sukkuru' mae ri Allata'ala Manggea, lalang arenNa Isa Almasi, Batarata.

2 KORINTUS 2:14

Mingka appala' sukkurukki' mae ri Allata'ala! Lanri Iami tuli ampimpingi ikambe amminawang lalang ri barrisi' passua'-suarrang pammetanNa Almasi lanri asse'rena ikambe mae ri Ia. Nipakemi ikambe ri Allata'ala ampa'la'bangi biritta ri passala'na Almasi, sanrapang bau' a'la'banga rasanna ri kere-keremae.

1 KORINTUS 14:18

Appala' sukkurukka' mae ri Allata'ala, lanri la'bi akkulleanganga' a'bicara a'rupa-rupa bicara appakalannasa' na ikau ngaseng.

1 KORINTUS 1:4

Tuli appala' sukkurukka' mae ri Allata'ala saba' ikau ngaseng, nasaba' nutarimami passare malammoro'Na Allata'ala, tete ri Isa Almasi.

FILEMON 1:4

Punna appala' doanga', tuli kupaui arennu nakuappala' sukkuru' mae ri Allata'ala.

1 TIMOTIUS 1:12

Appala' sukkurukka' mae ri Batarata Isa Almasi. Iami le'ba' assarea' kagassingang untu' allayani mae ri Ia, siagang ampa'jaria' tau siratang anggaukangi anjo jama-jamanga.

LAMPA-LAMPANA 10:48

Jari nasuromi Petrus ke'nanga nije'ne' lalang arenNa Isa Almasi. Le'baki anjo napala'mi ke'nanga, sollanna ammantang ija Petrus angngagangi ke'nanga pirang-pirangallo are sallona.

1 KORINTUS 1:15

Tapporo tena lalo manna sitau angkana iaji nakuje'ne' sollanna a'jari tumminawang ri nakke. (