1 KORINTUS 1:11 - KITTA' MATANGKASA'

¹¹ Nasaba' nia' tau battu ri balla'na Kloë ampabattui ri nakke angkanaya nia' passigea'-geakkang ri kau ngaseng.

1 KORINTUS 1:11 Referans Kwoze

1 TIMOTIUS 6:4

yangasenna anjo tau kammaya sangnging tau tampo, mingka tena apa-apa naasseng! Ia garrinna ke'nanga iamintu nangai a'gea'-geaka siagang a'besereka passabakkang bicara appamumbaya sereati, passisa'la-sa'lakkang, pitina, sibata-batai kodia,

GALATIA 5:26

Takkulleaki' a'jari tampo, yareka sipa'ri'-pa'risi pa'mai', kammayatompa assikimbu'-kimburui.

1 KORINTUS 3:3

nasaba' mannuruki ijako ri cara sipa'-sipa' rupataua lalang ri katallassannu. Nasaba' punna massing sikimburu ijako siagang masarro ijako assiba'ji para ikau, sai iami anjo buttina ma'nassanu mannuruki ijako ri cara sipa'-sipa' tau tenaya natappa' ri Allata'ala lalang ri katallassannu?

PANGNGEBARANG 18:6

Punna a'bicara tau toloa, appaumbai pa'beserang siagang eroki niajara'.

GALATIA 5:20

kammayatompa ri panggaukang anynyombaya ri barhala, baca-baca pangngissenganga; assimusu-musua, passiba'jianga, akkimburua, pa'larroanga, kaparalluang kalennaji bawang naboyai, appasisala-salaya tau, siagang a'golongang-golonganga;

GALATIA 5:15

Mingka punna massing sikara'musukko, tutu laloko, sollanna tena nupara ancuru'.

2 KORINTUS 12:20

Ranggaselai nyawaku gassingka punna battua' sallang angkunjungiko nakurapikangko tasangkammaya apa kuminasaia. Kammayatompa nurapikang tonga' tasangkammaya pa'minasanu. Gassingka nia' sallang kurapikang passiba'jiang, sereati, pa'bambangang, kaparalluang kalennaji bawang naboyai, sipitina, sikompa-kompa sala, katampoang siagang karicuang.

PANGNGEBARANG 13:10

Katampoanna poro pa'beserang bawang napaumba; tau cara'deka eroki annarima pangngajarang.

PA'JARIANG 37:2

Na iaminne riwaya' kaluargana Yakub: Ri wattunna sampulo antuju taung umuru'na Yusuf, iamintu ana'na Yakub, sitabanna naparakai bembena siagang gimbala'na siagang ngaseng sari'battanna, iamintu ana'-ana'na Bilha siagang Zilpa, ruaya baine piarana manggena. Napabattui sikamma gau' ja'dala'na daenna mae ri manggena.

PA'JARIANG 27:42

Nalangngere'na Ribka anjo rancanana Esau, nakio'mi Yakub nampa nakana ri ia, “Pilangngeri anne. Eroki daennu Esau ampa'balassiko siagang erokko nabuno.

FILIPI 2:14

Gaukammi sikontu jama-jamannu; mingka teako a'moro-moroi yareka teako a'besereki anggaukangi.

1 KORINTUS 11:18

Nasaba' uru-uru kulangngereka iamintu angkanaya punna a'rappungangko salaku jamaah, assisa'la'-sa'lakko a'jari a'rupa-rupa golongang nampa assigea'-geakko. Na anne kabaraka kukira-kira nia' kamma tojenna.

1 KORINTUS 1:10

Sikamma sari'battangku! Kupalaki, lalang arenNa Batarata Isa Almasi, sollannu a'julu kana; sollanna tena nanusisa'la'-sa'la'. Paralluko a'jari se're, a'julu ati siagang a'julu pikkirang.

1 KORINTUS 1:12

Natabaya kanangku iamintu nia' ri kau angkana, “Inakke amminawanga' ri Paulus,” nia' angkana, “Inakke amminawanga' ri Apolos,” nia' todong angkana, “Inakke amminawanga' ri Petrus,” kammayatompa nia' angkana, “Inakke amminawanga' ri Almasi.”

TITUS 3:9

Pakabellai kalennu battu ri pa'gea'-geakkang tenaya matu-matunna siagang carita-carita pattottoranga. Liliangi pa'beseranga siagang passiba'jianga ri passala'na hukkung-hukkung agamaya. Yangasenna anjo tena matu-matunna siagang tena wassele'na.