1 KARAENG-KARAENG 8:9 - KITTA' MATANGKASA'

⁹ Tena sikali apa-apa bonena lalang anjo Patti Parjanjianga pantaranganna ruaya batu. Anjo batu-batua napantamaki anjoreng Musa ri Moncong Sinai, ri wattunna appare' parjanjiang Batara siagang bansa Israel, ri wattunna lalang pa'jappang ke'nanga battu ri Mesir mange ri pa'rasangang Kanaan.

1 KARAENG-KARAENG 8:9 Referans Kwoze

KALAPPASSANG 25:21

Padongkoki anjo ruaya batu lalang ri anjo pattia siagang patabai anjo pattongko'na irateanganna.

IBRANI 9:4

Lalang ri anjo kamaraka, nia' pattunuang dupa bulaenga nipare', siagang nia' todong Patti Passijanjiang nilapisika bulaeng. Lalang ri anjo Pattia nia' uring bulaeng pammoneang roti, takkanna Harun accu'lakamo, siagang ruang lawara' batu pannulisang niaka tattulisi' irateanganna sampuloa paratorang Napassuroanga Allata'ala.

KALAPPASSANG 40:20

Nampa nipantama' anjo ruaya batu nipannulisi siagang Sampulo ParentaNa Allata'ala ri Patti Parjanjianga. Nampa napataba Musa pa'rangka'na anjo Pattia siagang napantama kayu pa'bulekanga ri pontona.

2 PATTOTTORANG 5:10

Tena sikali apa-apa lalang ri anjo Patti Parjanjianga pantaranganna ruang la'ba' batu. Anjo batu-batua napantamaki Musa ri Moncong Sinai, ri wattunna appare' parjanjiang Batara siagang bansa Israel ri wattunna lalang pa'jappang ke'nanga battu ri Mesir mange ri pa'rasangang Kanaan.

PAOLE 4:13

Anjoreng Napaumi mae ri kau apa mustia nugaukang untu' anrupai parjanjiang Napareka siagang ikau ngaseng. Anjo Sampuloa Parenta le'baka Natulisi' ri ruaya batu tulisi' musti nugaukangi.

PAPPICINI' 15:8

Jari rassimi Balla'Na Allata'ala siagang umbu kala'biranNa siagang kakoasanNa Allata'ala. Siagang ilalang tenanapa nacappu' anjo tujua bala, iamintu bala naeranga anjo tujua malaeka', tena manna sitau akkulle antama' ri Balla'Na Allata'ala.

YEHEZKIEL 10:4

Caya accilla', iamintu pammatei kahaderanNa Batara, tassioroki battu ri anjo sikamma malaeka' akka'nyika siagang a'letteki mange ri pakke'bu' antamaya ri Balla'Na Batara, sa'genna a'jari singara' sikali paranglakkenna.

1 KARAENG-KARAENG 8:21

Lalang ri anjo Balla'Na Batara kupasadiami tampa' untu' Patti Parjanjiang niaka bonena batu parjanjianNa Batara siagang boe-boeta, ri wattu Naeranna ke'nanga assulu' battu ri Mesir.”

PAOLE 31:26

“Allei anne kitta' HukkunNa Allata'ala, siagang boliki ri sa'rinna Patti ParjanjianNa Karaeng Allata'alanu, sollanna tuli nia'na anjoreng salaku sa'bi mae ri anjo bansaya.

PAMMILANGNGANG 17:10

Nampa Nakanamo Batara mae ri Musa, “Padongkoki ammotere' takkanna Harun ri dallekanna Patti Parjanjianga. Anjo takkanga musti niboliki salaku pappiu'rangi mae ri tu Israel nangaia angngewa, sollanna mate ke'nanga punna tena nammari a'moro-moro.”

PAMMILANGNGANG 9:15

Ri allo nipaentenna KemaNa Batara, battumi rammanga nampa narangka' anjo Kemaya. Ri wattunna bangngi sa'genna bari'basa' anjo rammanga kammai pepe' nicini'.

KAIMANGNGANG 16:2

“Pabattuangi sari'battannu Harun, angkanaya ri wattu le'bakaji bawang nipattantu nakkulle antama' ri Kamara' Kaminang Matangkasaka, iamintu kamara' nisimbanga siagang gordeng, lanri anjoremMa' ampappicinikangi KalengKu lalang ri rammanga irateanna pa'rangka'na Patti Parjanjianga. Punna nadakkai Harun anjo paratoranga, tena tamatena.

KALAPPASSANG 16:33

Nakana Musa ri Harun, “Angngalleko se're uring, appantamakko kira-kira rua litere' manna nampa nupadongko' ri dallekanNa Batara untu' nibolikang jari-jarita.”

KALAPPASSANG 16:10

Lalang a'bicarana Harun mae ri yangasenna ke'nanga, accini'mi ke'nanga mae ri parang lompoa na ti'ring nacini'mi ke'nanga cayaNa Batara lalang ri rammanga.

KALAPPASSANG 14:24

A'biringi bari'basa', attoa'mi Batara battu ri benteng pepeka siagang rammanga mae ri tantara Mesir nampa Napa'jari sikaco-kaco ke'nanga.

KALAPPASSANG 13:21

Punna allo niaki Batara a'jappa ri dallekanna ke'nanga lalang ri benteng rammanga; na punna bangngi a'jappai ri dallekanna ke'nanga lalang ri benteng pepeka untu' ampicinikiangi ke'nanga oloang. Lanri kammana anjo akkullei ke'nanga a'jappa allo bangngi.

KALAPPASSANG 25:16

Nampa musti nupadongkoki lalang ri anjo pattia anjo ruaya batu niaka tattulisi' lalang sikamma parenta Kupassareanga mae ri kau.

2 PATTOTTORANG 5:9

Anjo kayu pa'buleka sanna' la'buna, sa'genna kacinikangi cappa'na ngaseng battu ri dallekanna anjo Kamara' Kaminang Matangkasaka, mingka tena nakacinikang battu pantarang. (Sa'genna anne alloa tuli nia'na anjo kayu-kayua anjoreng.)