1 KARAENG-KARAENG 8:66 - KITTA' MATANGKASA'

⁶⁶ Ri allo makasagantujuna, nasuromi Salomo taua ammotere'. Yangasenna ke'nanga mammujimi ri ia, nampa ammotere' mange ri balla'na ke'nanga siagang rannu pa'mai', lanri yangasenna anjo barakka' Napassareanga Batara mae ri atanNa Daud siagang mae ri umma'Na bansa Israel.

1 KARAENG-KARAENG 8:66 Referans Kwoze

FILIPI 4:4

Poro tuli rannu ngasengi pa'mai'nu, lanri le'ba'numo asse're siagang Batara. Sikalipi pole kukana: rannu mako!

LAMPA-LAMPANA 2:46

Allo-allona ke'nanga tuli a'rappungang ri Balla'Na Batara; kammayatompa a'le'ba'-le'basaki ke'nanga assama-sama angnganre ri balla'na. Na rannu pa'mai' siagang tuna pa'mai' ngasengi ke'nanga.

ZAKHARIA 9:17

Tamaka baji'na buttaNa Batara sallang, teai sipato' baji'na siagang ga'gana! Anjorengi coppong sikali timbona anggoroka siagang gandunga, sa'genna pila' katambang gassinna turungkaya siagang tuloloa.

PAOLE 12:12

A'rannu-rannuko ri dallekanNa Karaeng Allata'alanu, siagang sikamma ana'-ana'nu, ata-atannu siagang sikamma tu Lewi ammantanga ri kota-kotanu, lanri anjo tu Lewi tena nanggappa pambageang butta ri pa'rasangannu.

PAOLE 12:7

Anjoreng tommi, ri dallekanNa Karaeng Allata'alanu, ikau ngaseng siagang sikamma kaluarganu musti angnganre siagang a'rannu-rannu lanri nugappana wassele' usahanu lanri nibarakkakinna ri Karaeng Allata'alanu.

GALATIA 5:22

Mingka, punna nipimping ri RohNa Allata'ala taua, iaminne wassele'na: sikamaseangi ke'nanga, rannui, assiamaki, sa'baraki siagang lammoro' pa'maiki, bajiki ri paranna tau, majarreki,

ZAKHARIA 9:9

He pandudu'na Sion, rannu mako! He pandudu'na Yerusalem, makkio' rannuko! Ciniki! Battui Karaennu angngerang pammetang! Ia Karaeng adele' angngeranga kasalamakkang. Mingka tuna pa'maiki lalang kabattuanna A'dongko' keledai, sikayu keledai rungka.

ZEFANYA 3:14

He Israel, rannu mako nukkelong! He Yerusalem, pakarannumi sikontu atinnu!

PAMMUJI 122:9

Lanri Balla'Na Batara, Allata'alata, appala' doanga' sollannu mate'ne.

PAMMUJI 122:6

Appala' doangko untu' kasalewanganna Yerusalem angkana, “Poro salewangangi sikontu tau mangngaia ri Katte.

NEHEMIA 8:10

Kamma-kamma anne ammotere' mako; angnganre angnginung mako a'rannu-rannu. Passareangi sipa'gang kanrenu siagang anggoro'nu mae ri tau kakuranganga. Anne alloa, allo nipakatangkasa' untu' Batara, jari teako susai. Karannuang Napassareanga Batara lampakajarrekko.”

2 PATTOTTORANG 30:26

Sanna' suara'na kota Yerusalem, lanri baku'na jammang ammarentana Salomo ana'na Daud, tena le'bakai kajariang anjo gau' kammaya.

2 PATTOTTORANG 29:36

Sannammi pa'mai'na Karaeng Hizkia siagang ra'yaka lanri lalang wattu sinampekang le'ba'mi nibantu ke'nanga ri Allata'ala untu' anggaukang kabusuki anjo sikammaya.

2 PATTOTTORANG 7:10

nampa ammukona ri tanggala' 23 bulang 7, nasuromi Salomo ammotere' anjo taua. Rannu kabusuki taua mae ri anjo sikontu kabajikang Nagaukanga Batara mae ri bansa Israel umma'Na, mae ri Daud, kammayatompa mae ri Salomo.

1 KARAENG-KARAENG 8:47

poro Kipilangngeri pappala' doanna ke'nanga. Punna anjoreng ri pa'rasanganga nabokoi dosa-dosana ke'nanga, nappala' doang mae ri Katte namangaku angkana dorakami siagang a'gau' ja'dala'mi ke'nanga, Kipilangngerimi pappala' doanna ke'nanga, o Batara.

1 KARAENG-KARAENG 8:1

Le'baki anjo nasuromi Karaeng Salomo sikontu pamimping sukua siagang pa'rappungang bijaya battu ri bansa Israel battu mae ri ia ri Yerusalem, untu' ampaletteki Patti ParjanjianNa Batara battu ri Sion, Kota Daud, mange ri Balla'Na Batara.

PAOLE 16:11

A'rannu-rannuko ri dallekanNa Karaeng Allata'alanu, ri anjo tampa' le'baka Napattantu, siagang ngaseng ana'-ana'nu, ata-atannu, kammayatompa tu Lewi, tubattu-battua, ana'-ana' kukanga siagang sikamma janda niaka ammantang ri kota-kotanu.

PAOLE 12:18

Ikau siagang ana'-ana'nu, kammayatompa sikamma ata-atannu, siagang tu Lewi ammantanga ri kotanu, musti nakanrei anjo passarea ri dallekanNa Karaeng Allata'alanu, ri tampa' Napilea Karaeng Allata'alanu. Siagang anjoreng mako ri anjo tampaka musti a'rannu-rannu lanri sikontu wassele' usahanu.

PA'JARIANG 47:7

Napappiassengang tommi Yusuf anjo manggena mae ri karaenga. Nabarakkakimi Yakub anjo karaenga.

1 KARAENG-KARAENG 8:65

Ri Balla'Na Batara anjo, Salomo siagang sikontu umma' Israel appare'mi passua'-suarrang untu' ampakalompoi Allo Lompona Pa'ballakang Leko'-lekoka, lalang tuju allo sallona. Teai sipato' jaina anjo tau a'rappunganga anjoreng. Battui ke'nanga ri daera agang mangea ri Hamat bellana ri bageang wara', sa'genna mange ri pa'baeng-baenna Mesir bageang timboro'.

1 KARAENG-KARAENG 9:1

Le'baki nabangung Salomo Balla'Na Batara siagang balla' kakaraenganga kammayatompa sikontu apa le'baka narancana,

NEHEMIA 9:25

Naallei ummatTa sikamma tembo' pattahanganga, butta copponga siagang balla' sangga kalumanynyanga. Sikamma bungung siagang timbuseng je'ne' narampasaki ke'nanga, koko anggoro', poko' zaitun na rappo-rappoang maraeng. Co'moki ke'nanga lanri angnganre ri ero'-ero' pa'mai'na. Sikontu passare bajitTa nakasiaki ke'nanga.

YESAYA 63:7

Eroki kukabarrang pangngamaseanNa Batara lanri sikontu gau'Na kumammuji ri Ia. Allumpa-lumpai bateNa ambarakkaki umma'Na, lanri nia'na pangngamaseanNa na tena la'busu'na anjo pangngamaseanNa.

YOSUA 22:6

Nampa napassareang barakka'na Yosua siagang nalappassang ke'nanga ammotere' mange ri daerana ke'nanga. Napasangi ke'nanga angkana, “Kamma-kamma anne kalumanynyang mako; angngerang mako ammotere' jai olo'-olo', pera', bulaeng, tambaga, bassi siagang pakeang. Bage-bage tongi anjo barang-barang nurampasaka lalang bundu' mange ri sikamma julu sukunu maraenga.” Jari nabokoimi suku Ruben, Gad siagang suku Manasye bageang irayaya anjo paranna tu Israel maraenga, nampa a'lampa battu ri Silo ri Kanaan mange ri butta kalenna ke'nanga ri daera Gilead. Napammantangngimi ke'nanga anjo buttaya situru' parentaNa Batara tete ri Musa. (Anjo bageruanna suku Manasye le'ba'mi natarima battu ri Musa butta niaka irayanganna Binanga Yordan, siagang bageruanna suku Manasye maraenga natarimai battu ri Yosua butta niaka ilaukanna Binanga Yordan sangkamma suku-suku maraenga.)