1 KARAENG-KARAENG 8:6 - KITTA' MATANGKASA'

⁶ Le'baki anjo naerammi sikamma imanga anjo Patti Parjanjianga antama' ri Balla'Na Batara nampa naboli' irawanganna patung-patung malaeka' akka'nyika lalang ri Kamara' Kaminang Matangkasaka.

1 KARAENG-KARAENG 8:6 Referans Kwoze

1 KARAENG-KARAENG 6:27

Anjo ruaya patung niboliki a'remba lalang ri anjo Kamara' Kaminang Matangkasaka, siali ka'nyi'na anjo massing patunga naberoi rinringa, nampa massing ka'nyi'na sialia assiberoi ri tangnga-tangngana anjo kamaraka.

1 KARAENG-KARAENG 6:19

Anjo Kamara' Kaminang Matangkasa' nipareka lalang ri anjo Balla'Na Batara, nipasadiai untu' napammantangngi Patti ParjanjianNa Batara.

2 SAMUEL 6:17

Anjo Patti Parjanjianga nipadongkoki lalang ri kema le'baka natannang Daud untu' anjo Pattia. Nampa assare Daud koro'bang nitunu siagang koro'bang passiamakkang mae ri Batara.

YEHEZKIEL 10:5

Sa'ra pakkape'na ka'nyi'na anjo sikamma malaeka' akka'nyika kalangngerangi sa'genna ri paranglakkeng pantaranga, rapang sa'ranna Allata'ala Kaminang Koasaya.

YESAYA 37:16

“O, Batara Kaminang Makoasaya, Allata'alana Israel, niaka ri empoang kala'biranTa, tena ruanTa Allata'ala angkoasai sikontu kakaraenganga ri tompo'na buttaya. IKattemi ampa'jari langika na buttaya.

PAMMUJI 99:1

Batarami Karaeng; annekkereki bansa-bansaya. Ammempoi ri empoang kala'biranNa irate ri malaeka' akka'nyi', ta'goccangi buttaya.

PAMMUJI 80:1

Untu' pamimping pakelong. Situru' lagu: Bunga Bakung. Pammuji kasa'bianna Asaf.

2 PATTOTTORANG 5:7

Le'baki anjo nipantama'mi anjo Patti Parjanjianga ri sikamma imanga ri Balla'Na Batara nampa nipadongko' irawanganna patung malaeka' akka'nyika lalang ri Kamara' Kaminang Matangkasaka.

1 KARAENG-KARAENG 8:4

nampa naerang ke'nanga mange ri Balla'Na Batara. KemaNa Batara siagang sikontu pakkakasa'na nipalette' tongi mange ri Balla'Na Batara, ri sikamma imanga siagang tu Lewi.

2 SAMUEL 6:2

Napimpingi ke'nanga mange ri Baale-Yehuda, untu' angngallei battu anjoreng Patti Parjanjiang niarenga siagang arenNa Batara Kaminang Koasaya niaka empoang kala'biranNa irate ri patung-patunna malaeka' akka'nyika.

1 SAMUEL 4:4

Nampa nia'mo tau nasuro ke'nanga mange ri Silo untu' angngallei Patti ParjanjianNa Batara, a'jaria empoang kala'biranNa Batara Kaminang Koasaya. Ruaya ana'na Eli, iamintu Hofni siagang Pinehas, anrurungangi anjo Patti Parjanjianga.

KALAPPASSANG 37:9

nampa nipasidallekang, takka'rang ka'nyi'na antongkoki anjo pa'rangka'na pattia.

1 KARAENG-KARAENG 6:16

Ilalang ri anjo ballaka, nipareki kamara' bageang ri bokona iamintu nisarei rinring passimbang battu ri kayu camara, appakkaramula battu ri dapara'na sa'genna ri palaponna. Anjo kamaraka niarengi Kamara' Kaminang Matangkasa'; la'buna salapang metere'.

1 KARAENG-KARAENG 8:3

A'rappunna ngasemmo anjo pamimpinga, naangka'mi imang-imanga anjo Patti Parjanjianga,

1 KARAENG-KARAENG 8:7

Takka'rangi ka'nyi'na anjo patung-patung malaeka' akka'nyika antongkoki anjo pattia siagang kayu-kayu pa'bulekanna.

1 PATTOTTORANG 22:19

Jari paralluko anynyomba mae ri Karaeng Allata'alanu lalang sikontu nyawanu siagang batangkalennu. Appakkaramula mako ambangung balla' untu' Batara, sollanna akkulle niboli' anjoreng Patti ParjanjianNa siagang sikontu pakkakasa' maraenganga ia eroka nipake anynyomba ri Ia.”

YEHEZKIEL 41:4

Nampa naukkuru' tongi anjo kamaraka: tanja'na appaki pasagi, la'buna siagang sangkara'na massing 10 metere'. Nampa nakana ri nakke, “Iaminne Tampa' Kaminang Matangkasaka.”

PAMMUJI 80:2

O, Pakalawakinna Israel, Kipilangngeri laloi, iKatte ampimpingi turunganna Yusuf sanrapang pa'rappungang. IKatte ammempo irate ri empoang malaeka' akka'nyika, maju maKi' siagang cayaTa