1 KARAENG-KARAENG 8:5 - KITTA' MATANGKASA'

⁵ A'rappungammi Karaeng Salomo siagang sikontu ra'yaka ri Israel ri dallekanna Patti ParjanjianNa Batara, nampa assare ke'nanga koro'bang gimbala' siagang sapi mae ri Batara, teai sipato' jaina sa'genna takkullea nirekeng.

1 KARAENG-KARAENG 8:5 Referans Kwoze

2 SAMUEL 6:13

Ri wattunna a'jappamo annang dakka sikamma tau angngangkakai anjo Patti Parjanjianga, nasuromi Daud ke'nanga ammantang. Nampa assare koro'bang mae ri Batara, iamintu sapi laki siagang ana' sapi nipakaco'mo'.

1 PATTOTTORANG 16:1

Nipadongko'mi anjo Patti Parjanjianga lalang ri kema le'baka napasadia Daud untu' anjo Pattia. Nampa assaremo koro'bang ke'nanga mae ri Allata'ala, iamintu koro'bang nitunu siagang koro'bang untu' passiamakkang.

1 KARAENG-KARAENG 12:32

Nampa natampakkang Yerobeam anjo imang-imanga ri Betel untu' anggaukangi tugasa'na anjoreng, nampa ia kalenna assare koro'bang mae ri anjo sapi-sapi bulaeng napareka. Nampa napattantu angkana tanggala' sampulo allima bulang sagantuju allo lompo untu' Israel, sangkamma allo lompoa ri Yehuda. Anjo alloa a'lampai Yerobeam mange ri Betel siagang assare koro'bang untu' ansuarri anjo allo lompo le'baka napattantu.

2 PATTOTTORANG 1:6

Ri dallekanna anjo Kemaya assaremi karaenga, iamintu irate ri tampa' pakkorobangngang tambagaya, 1.000 kayunna olo'-olo' salaku koro'bang nitunu untu' Batara.

YO"EL 1:18

Angngoe'mi olo'-oloka na lussa'; tenamo parang pangnganreanna. Sikamma gimbalaka ta'ronang tommi.