1 KARAENG-KARAENG 8:34 - KITTA' MATANGKASA'

³⁴ poro Kipilangngeri laloi ke'nanga ri suruga. Poro Kipammopporangi dosana anne ummatTa, siagang Kierangi ammotere' mange ri pa'rasangang le'baka Kipassareang ri boe-boena ke'nanga.

1 KARAENG-KARAENG 8:34 Referans Kwoze

AMOS 7:2

Anjo katimbang jaia a'biringi nakanre sa'genna la'busu' sikontu timbo-timboanga ri buttaya. Nampa kukanamo, “O Batara Kaminang Tinggia, Kipammopporang laloi ummatTa! Teai sipato' ca'dina siagang lammana ke'nanga, jari antekamma batena lakkulle ke'nanga attahang?”

DANIEL 9:25

Cataki siagang pahangi anne: Lallaloi pintuju tattuju taung, appakkaramula ri wattu nipasulu'na parentaya untu' ambangungi ammotere' Yerusalem, sa'genna battu sitau pamimping Napilea Allata'ala. Lalang pintuju ta'annampulo anrua taung, lanibangungi ammotere' agang-aganga siagang pa'balla'-ballakanna Yerusalem, mingka anjo wattua teai sipato' sukkara'na.

DANIEL 9:19

O Batara, Kiparhatikang laloi ikambe siagang linta' maKi' angngalle tindakang! TeaKi' sallo-salloi, sollanna naasseng sikontu taua angkanaya iKatte Allata'ala. Nasaba' Yerusalem siagang ummatTa iKatte ampatangi, le'baka Kisa'la' untu' iKatte.”

DANIEL 9:12

TindakanTa sicoco' le'baki apa le'baka Kipa'janjiang mae ri kambe siagang mae ri pamarentana ikambe. Le'ba'mi Kihukkung kota Yerusalem la'bi sannakkangngang nakota maraenga ri anne linoa.

YEREMIA 32:37

LaKupasse'rei anne bansaya battu ri sikontu pa'rasangang tampa'na ke'nanga Kupasisa'la'-sa'la' lanri larroKu siagang lussakKu mae ri ke'nanga. LaKuerangi ke'nanga ammotere' mae anrinni siagang Kukellai ammantang anrinni siagang amang.

YEREMIA 31:27

INakke, Batara, angkana labattui wattunna pa'rasangang Israel siagang Yehuda laKupirassi tau siagang olo'-olo'.

PAMMUJI 106:47

Kipasalamaki ikambe, o Karaeng Allata'alana ikambe, Kipa'rappungi ikambe battu ri alla'na bansa-bansaya, sollanna akkulle ikambe appala' sukkuru' siagang mammuji ri areng matangkasatTa.

YOSUA 21:43

Kammaminjo naNapassareammo Batara mae ri umma' Israel sikontu butta le'baka Napa'janjiang siagang sumpa mae ri boe-boena ke'nanga. Napantamakkinnamo ke'nanga anjo pa'rasanganga, ammantang tulimi umma' Israel anjoreng.

KALAPPASSANG 6:8

Sikontu anjo pasanNa Batara napabattui Musa mae ri bansa Israel, mingka taerokai ke'nanga anjampangi Musa, lanri tappu' minasami ke'nanga napakamma anjo sessanamo ke'nanga nipare' ata.

PA'JARIANG 13:15

Sikontu anjo butta nucinika laKupassareangi mae ri kau siagang mae ri sossorannu, sollanna nukammai satunggu-tungguna.

1 KARAENG-KARAENG 8:33

Punna nibeta ummatTa Israel ri musu-musunna lanri dorakana ke'nanga, nampa ammotere' ke'nanga mae ri Katte siagang napakala'birikKi' salaku Batara, nampa battu mae anrinni ri balla' passambayanganga, kammayatompa appala' doang appala' popporo' ri Katte,

1 KARAENG-KARAENG 8:35

Punna doraka ummatTa nampa Kihukkung ummatTa iamintu tena naKipaturung bosia, nampa toba' ke'nanga battu ri dosana siagang napakala'birikKi' salaku Batara, nampa andallekang ri Katte ri anne balla' passambayanganga kammayatompa appala' doang mae ri Katte,

PAMMUJI 85:2

MangngellaiKi' mae ri buttaTa, o, Batara, lampa-lampana Israel le'ba'mi Kipakabaji'.

PAOLE 30:1

“Kamma-kamma anne akkullei nupilei kalase'renna iamintu barakkaka yareka pattunraya, sangkamma le'baka kupakasingara' mae ri kau. Punna le'ba'mi nukasia' anjo sikontu passessaya siagang attallasakko ri alla'na bansa-bansa maraeng ri tampa'nu nipasisa'la'-sa'la' ri Karaeng Allata'alanu, lanuu'rangimi apa kupassareanga ri kau untu' nupilei.

PAOLE 30:4

Manna pole tassiarakko ri kere-keremae ri sikontu linoa, mingka laNapasse'reko siagang laNaerangko ammotere' Karaeng Allata'alanu.

PAMMUJI 106:46

Napa'jarimi ke'nanga nikamaseang ri sikontu bansa antahangai ke'nanga.