1 KARAENG-KARAENG 8:23 - KITTA' MATANGKASA'

²³ siagang appala' doang angkana, “O Batara, Allata'alana Israel! Ri langi' yareka ri buttaya, tena sangkammanTa! Kirupai janjinTa siagang Kipappicinikangi pangngamaseanTa mae ri ummatTa tamamminraya siagang mannurukia situlusu' atinna mae ri Katte.

1 KARAENG-KARAENG 8:23 Referans Kwoze

2 SAMUEL 7:22

IKatte ma'nassa teai sipato' malompoTa tojeng, o Karaeng Allata'ala! IKatteji bawang Allata'ala, tena sikali sangkammanTa. Naassengi ikambe anjo passalaka lanri baku' riolo iji nanipauammo ikambe.

PAOLE 7:9

U'rangi angkanaya Karaeng Allata'alanu bawang Allata'ala, tena pantaranganna, siagang Iami Allata'ala tamamminraya nyawaNa. Narupai Batara janjinNa siagang Napappicinikangi pangngamaseanNa tenaya tappu'na sa'genna sisa'bu turungang mae ri tau mangngamaseanga ri Ia siagang mannurukia ri parenta-parentaNa.

DANIEL 9:4

Sikontu dosana bansaku kuakui mae ri Karaeng Allata'alaku. Kukana, “O Karaeng Allata'ala, iKatte malompo, na ikambe mappakalompo ri Katte. Tuli Kirupai janjinTa siagang Kipa'nyatai pangngamaseang tamattapputTa mae ri ke'nanga mangngamaseanga ri Katte siagang anggaukangai apa Kiparentakanga.

NEHEMIA 1:5

kukana, “O, Karaeng Allata'ala makoasaya ri suruga. IKattemi Allata'ala Malompoa, na mandallekammo ikambe ri Katte lalang malla'. TamamminrayaKi' ri janjinTa mae ri tau mangngaia ri Katte siagang mannurukia ri parentaTa.

NEHEMIA 9:32

O, Allata'ala, Allata'alana ikambe magassinga! Allata'ala malompoa siagang hebaka! MajarrekKi' anta'galaki sikontu parjanjianTa; Kirupai siagang Kigaukangi janji-janjinTa. Battu ri jammang sikamma karaeng Asyur anjallakkangi ikambe sa'genna kamma-kamma anne jaimi pa'risi' nakasia' ikambe. Sikamma karaenna ikambe, imang, na'bi siagang tutoa-toaya, kammayatompa boena ikambe siagang ra'yaka pa'risi' ngaseng. Teaki' kaluppai anjo pa'risika! Teaki' pelakki ri pangngu'ranginTa!

1 SAMUEL 2:2

Tena matangkasa' sangkamma Batara! Iaji bawang akkulle a'jari pa'la'lang.

KALAPPASSANG 15:11

Kereangami Allata'ala sangkammanTa, o Batara Kaminang Tinggia siagang matangkasaka? Inai akkulle appare' gau' malompo siagang gau' appakalannasa' kamma Batara?

LUKAS 1:72

Lanri ero'Na napappicinikang baji' atinNa ri tu riolota, na laNapa'rupa anjo janji matangkasa'Na.

YEREMIA 10:16

Allata'alana Yakub tena nasangkamma anjo barhala-barhalaya; Ia ampa'jari sikontu apa niaka. Arenna iamintu Batara Kaminang Koasaya; Iami le'ba' ampilei Israel a'jari umma'Na.

YEREMIA 10:6

Batara mala'birika, tena sangkammanTa, malompoi arenTa siagang lompoi koasaTa.

YESAYA 40:25

Inai nukana sangkammanNa Batara Kaminang Matangkasaka? Inai ero' lanupasangkammangi?

PAMMUJI 113:5

Inai sangkammanna Karaeng Allata'alata? Ia ammempo ri empoang kala'birang ri tampa' tinggia.

YESAYA 40:18

Jari inai lanupasinrapangangi Allata'ala? Inai nukana Naagang sangkamma?

PAMMUJI 86:8

O, Batara, tena batara pantaranganna iKatte, tena akkulle anggaukangi apa Kigaukanga.

PAMMUJI 35:10

Nakanamo sikontu pa'maikku, “O, Batara, tena sanrapanTa! Kilappassangi tau lammaya battu ri tau gassinga, tu kasi-asia siagang tu pa'risika battu ri tumanjallakkanna.”

2 KARAENG-KARAENG 20:3

“O Batara, Kiu'rangi laloi angkanaya le'ba'mi kupare' ata kalengku mae ri Katte, majarreka' siagang tulusuki pa'maikku mae ri Katte. Tuli kuusahai anggaukangi apa Kikaerokia.” Nampa angngarru' Hizkia sanna' si'nana nasa'ring nyawana.

1 KARAENG-KARAENG 6:12

“Punna nuturuki sikontu hukkungKu siagang parentaKu, laKupa'rupai mae ri kau apa le'baka Kupa'janjiang mae ri Daud manggenu.

1 KARAENG-KARAENG 3:6

Appialimi Salomo angkana, “O Batara, le'ba'mi Kipappicinikang angkanaya sanna' Kikamaseanna manggeku Daud, anjo atanTa. Ia bajiki, lambusuki, kammayatompa tamamminrayai mae ri Katte. Na salaku jaminang, angkanaya latuli Kikamaseanna, Kisaremi sitau ana' bura'ne ia ammarentaya kamma-kamma anne untu' ansambeangi.

1 KARAENG-KARAENG 2:4

Punna mannurukiko ri Batara, laNarupai janjinNa angkanaya turungangku lammarenta ri Israel, assala' tuli majarreki mannuruki ri sikontu parenta-parentaNa siagang situlusu'na atinna siagang nyawana ke'nanga.

KALAPPASSANG 3:15

Kabarrang tongi angkanaya iNakke, Batara, Allata'alana boe-boena ke'nanga, Allata'alana Abraham, Ishak siagang Yakub, ansuroko mae ri ke'nanga. INakke Batara, iaminjo arengKu sa'genna satunggu-tungguna. Iaminjo nisa'bukanga' ri sikontu bansaya sa'genna sikontu bija-bijanna.

PA'JARIANG 33:20

Nampa ambangung tampa' pakkoro'bangngang anjoreng ri tampaka. Naaremmi “El, Allata'alana Israel”.

PA'JARIANG 17:1

Ri wattunna salapampulo assalapang taung umuru'na Abram, Napappicinikammi KalenNa Batara mae ri ia na Nakana, “INakkemi Allata'ala Kaminang Koasaya. Turuki laloA' siagang tuli gaukangi erokKu.

1 KARAENG-KARAENG 8:24

Le'ba'mi Kirupai janjinTa mae ri manggeku Daud. Anjo apa Kipa'janjianga Kigaukammi anne alloa.

EZRA 1:3

Poro Najagai ngasengko Allata'ala, ikau ngaseng a'jaria umma'Na. Musti ammoterekko mange ri Yerusalem nampa nubangung ammotere' Balla'Na Batara untu' Allata'alana Israel, Allata'ala niaka ammantang ri Yerusalem.

PAOLE 7:12

“Punna nuparhatikang anjo parenta-parentaya, siagang nugaukang tamattappu', tena todong namamminra pa'mai'Na Karaeng Allata'alanu mae ri parjanjiang Napareka siagang ikau ngaseng. LaNapappicinikangi pangngamaseang tamattappu'Na mae ri kau, sangkamma Napa'janjianga mae ri boe-boenu.