1 KARAENG-KARAENG 8:22 - KITTA' MATANGKASA'

²² Le'baki anjo, ri dallekanna ra'ya' niaka hadere', ammentemmi Salomo a'dalle' mae ri tampa' pakkoro'bangnganga, nampa naangka' rua-rua limanna,

1 KARAENG-KARAENG 8:22 Referans Kwoze

EZRA 9:5

Ri wattunna appakkaramulamo nipassareang koro'bang karuenga, ammentemma' ri tampakku si'na. Lalang ammakeang kekke' su'juka' nakupatara limangku mae ri Karaeng Allata'alaku.

1 KARAENG-KARAENG 8:54

Kammaminjo Salomo appala' doang nakkulantu' ri dallekanna tampa' pakkoro'bangnganga siagang napatara limanna nai'. Le'baki anjo ammentemmi,

KALAPPASSANG 9:33

Nampa nabokoimo Musa anjo karaenga na'lampa assulukang kota; anjoreng naangka'mi limanna appala' doang ri Batara. Anjo memang wattua ammarimi gunturuka, bosi eska siagang bosia.

YESAYA 1:15

Punna nupatara limannu appala' doang, tena Kuero' amparhatikangi. TaKujampangiai angkana siapa jaina pappala' doannu, taerokA' ampilangngeri, nasaba' iaminjo limannu jai sikali tau nabuno.

KALAPPASSANG 9:29

Nakanamo Musa ri karaenga, “Tasalloai battuku assulu' ri pantaranna kotaya, lakuangkaki limangku untu' appala' doang ri Batara. Anjo gunturuka siagang anjo bosi eska lammari siagang la'jari sannangi, sollanna kiasseng karaeng, angkanaya anne buttaya Batara pata.

1 TIMOTIUS 2:8

Manna pole kemae, sikamma tu bura'nea kukellai assambayang siagang ati matangkasa', takkulleai nagaukang lalang kalarroang yareka passisala-salang.

PAMMUJI 63:4

Lompoangangi anggaranna pangngamaseanTa na tallasaka, lanri kammana minjo kummuji ri Katte.

PAMMUJI 28:2

Pilangngeri pappalakku punna akkioka' appala' tulung, Kiangkaki limangku mae ri Balla' matangkasatTa.

AYUB 11:13

Ayub, tangkasi pa'mai'nu, nampa assesse' lalang! Appala' doangko mae ri Allata'ala!

2 KARAENG-KARAENG 11:14

Nacini'mi anjo karaeng berua ammenteng ri pakke'bu' antamaya ri Balla'Na Batara ri napattampakkia nilanti', nitammulili ri perwira-perwiraya siagang patui' tarompeka. Sikontu ra'yaka akkio' rannu kabusuki nampa nipasa'raya tojeng tarompeka. Lussa'mi nasa'ring nyawana Atalya nanakekke' pakeanna, siagang a'gora angkana, “Pasingkongkolang! Pasikongkolang!”

KALAPPASSANG 33:10

Ri wattunna nacini' tu Israel benteng rammanga ri pakke'bu' KemaNa Batara, ammentemmi nampa su'ju' ngaseng ke'nanga massing ri pakke'bu' kemana ke'nanga.