1 KARAENG-KARAENG 8:14 - KITTA' MATANGKASA'

¹⁴ Le'baki appala' doang, assailemi Karaeng Salomo mae ri sikontu ra'yaka, ia niaka ammenteng anjoreng, nampa napappalakkang barakka' ke'nanga battu ri Allata'ala.

1 KARAENG-KARAENG 8:14 Referans Kwoze

2 SAMUEL 6:18

Nampa Nabarakkaki sikontu ra'ya' Israel lalang arenNa Batara Kaminang Koasaya.

MATIUS 13:2

Jai sikali tau a'rappungang angkulilingi Isa. Lanri kammana a'lette'mi nai' ammempo Isa ri se'reang biseang. Na anjo tau jaia anjorengi ri biring tamparanga ammenteng.

PAMMUJI 118:26

Nibarakkakimi niaka battu lalang arenNa Batara, nibarakkakiko ri kambe battu ri Balla'Na Batara.

NEHEMIA 8:7

Le'baki anjo ambangummi nai' nampa massing ammenteng ngaseng ke'nanga ri tampa'na, nampa lalanna anjo nia'mo siapa are jaina tu Lewi ampakasingaraki battuanna anjo Hukkunga mae ri ke'nanga. Sikamma anjo tu Lewia iamintu: Yesua, Bani, Serebya, Yamin, Akub, Sabetai, Hodia, Maaseya, Kelita, Azarya, Yozabad, Hanan, siagang Pelaya.

2 PATTOTTORANG 7:6

Sikamma imanga ammentengi ri tampa' le'baka nipattantu untu' pammantanganna ke'nanga; assidallekangi ke'nanga siagang tu Lewi ammujia ri Batara siagang musi' le'baka napare' Daud, nampa akkelong iamintu kelongang, “Mannannungangi PangamaseanNa!” situru' napassuroanga Daud. Sikamma imanga appasa'rai tarompe' nampa sikontu ra'yaka ammenteng kabusuki.

2 PATTOTTORANG 6:3

Le'baki appala' doang, nagilimmi kalenna karaenga mae ri sikontu ra'yaka niaka ammenteng anjoreng, nampa napappalakkang barakka'Na Allata'ala ke'nanga.

1 PATTOTTORANG 16:2

Le'baki napassareang Daud anjo sikamma koro'banga, nabarakkakimi ra'yaka lalang arenNa Batara,

YOSUA 22:6

Nampa napassareang barakka'na Yosua siagang nalappassang ke'nanga ammotere' mange ri daerana ke'nanga. Napasangi ke'nanga angkana, “Kamma-kamma anne kalumanynyang mako; angngerang mako ammotere' jai olo'-olo', pera', bulaeng, tambaga, bassi siagang pakeang. Bage-bage tongi anjo barang-barang nurampasaka lalang bundu' mange ri sikamma julu sukunu maraenga.” Jari nabokoimi suku Ruben, Gad siagang suku Manasye bageang irayaya anjo paranna tu Israel maraenga, nampa a'lampa battu ri Silo ri Kanaan mange ri butta kalenna ke'nanga ri daera Gilead. Napammantangngimi ke'nanga anjo buttaya situru' parentaNa Batara tete ri Musa. (Anjo bageruanna suku Manasye le'ba'mi natarima battu ri Musa butta niaka irayanganna Binanga Yordan, siagang bageruanna suku Manasye maraenga natarimai battu ri Yosua butta niaka ilaukanna Binanga Yordan sangkamma suku-suku maraenga.)

KALAPPASSANG 33:10

Ri wattunna nacini' tu Israel benteng rammanga ri pakke'bu' KemaNa Batara, ammentemmi nampa su'ju' ngaseng ke'nanga massing ri pakke'bu' kemana ke'nanga.

2 PATTOTTORANG 31:8

Nacini'na Karaeng Hizkia siagang pagawe-pagawena anjo sumbangang kammaya jaina, napakala'biri'mi Batara siagang napalecemi ra'ya' Israel, umma'Na.