1 KARAENG-KARAENG 5:8 - KITTA' MATANGKASA'

⁸ Nampa akkirimmo Hiram pappiali mae ri Salomo angkana, “Le'ba'mi kutarima anjo kabara' pappalatta, siagang sadiama' untu' anturukiangki' pappalatta. Lappasadia' kayu camara Libanon, siagang kayu camara biasaya situru' pappalatta.

1 KARAENG-KARAENG 5:8 Referans Kwoze

2 PATTOTTORANG 3:5

Kamara' makase'rea nisarei papang kayu camara kaminang bajika siagang nilapisi' bulaeng toa. Ri anjo lapisang bulaenga nia' ukirang gambara' poko' palem siagang gambara' rante.

1 KARAENG-KARAENG 6:34

Nampa nipare' todong ruallawara' pakke'bu' battu ri kayu camara biasa, massing akkullea nilappa'.

1 KARAENG-KARAENG 6:15

Sikontu tembo' bageang lalanna nilapisi siagang kayu camara Libanon, appakkaramula battu ri dapara'na sa'genna ri palaponna. Dapara'na battu ri kayu camara biasa nipare'.

2 SAMUEL 6:5

Daud siagang sikontu bansa Israel a'jappa ri dallekanna anjo Pattia a'joge'-joge' sipagassing-gassinna tojeng siagang akkelong-kelong untu' ampakala'biriki Batara. Akkarena kacaping, gambusu', rabana, rincing-rincing siagang kasidai ke'nanga.

1 KARAENG-KARAENG 5:7

Sannang sikali nyawana Hiram nalangngere'na anjo kabaraka. Nakanamo, “Nipujimi Batara anne alloa, lanri Nasarena Daud sitau ana' bura'ne sannaka baji'na pangngassenganna untu' a'jari karaeng mae ri anjo bansa lompoa.”

1 KARAENG-KARAENG 5:9

Sikamma ra'yakku langngerangi anjo kayua naung battu ri Libanon mange ri tamparanga. Anjoreng, anjo batang-batang kayua lanasikkoki ke'nanga a'jari raki' nampa lanapalo'loro' ke'nanga ri biring tamparanga sa'genna mange ri tampa' kipattantua. Anjoreng lanibongkaraki anjo raki'-rakika nampa nipassareang mae ri ra'yatta untu' naurusu' pole. Kupalaki battu ri katte nakipasadia apa-apa lanakanrea sikamma tau niaka ri balla' kakaraengangku.”

2 PATTOTTORANG 2:16

Lanna'bangi ikambe kayu camara battu ri Libanon sangkamma jaina kiparalluanga, nampa nisikko' a'jari raki', siagang nipalo'lorang ri je'ne' battu ri tamparang sa'genna mange ri Yope. Battu anjoreng akkullei kilaling mange ri Yerusalem.”