1 KARAENG-KARAENG 5:17 - KITTA' MATANGKASA'

¹⁷ Lanri parentana tommi nappa'a' tommo ke'nanga batu-batu lompo bajika untu' a'jari pundasina anjo Balla'Na Batara.

1 KARAENG-KARAENG 5:17 Referans Kwoze

1 PATTOTTORANG 22:2

Nasuromi Daud ampa'rappungangi sikontu tubattu-battua ammantang ri Israel, nampa napajama ke'nanga. Sipa'gang ke'nanga ammaha' batu untu' ambangungi Balla'Na Batara.

1 KARAENG-KARAENG 6:7

Untu' anjo balo'-baloka, kayu camara Libanon nipake. Pakke'bu' mangea ri kamara'-kamara' pannambai ri lonjo' rawaya niaki ri bageang timborang. Untu' lonjo' makaruaya nia' tallu tuka'. Nampa nasarei Salomo palapong anjo ballaka. Papang cenrana battu ri Libanon napake. Siapa sallona nibangung anjo Balla'Na Batara, tena le'bakai nia' kalangngerang sa'ra palu-palu, pangkulu', yareka pakkakasa' bassi, nasaba' anjo batu-batu eroka nipake untu' ambangungi anjo ballaka le'ba' nipasadia memammi la'bi riolo ri wattunna nia' ija ri papparekanna. Kammaminjo batena Salomo ambangungi anjo Balla'Na Batara sa'genna le'ba'.

YESAYA 28:16

Lanri kammana anjo, kammaminne kananNa Batara Kaminang Tinggia, “LappadongkoKa' batu pa'dongkokang majarre' siagang makassa' ri Sion; se're batu pundasi ia ka'jalaka ballinna, niaka tulisanna angkana: ‘Inai-inai jarre' tappa'na, tena nalanibeta.’

1 KARAENG-KARAENG 7:9

Yangasenna tembo'na sangnging batu ka'jala' ballinna nipare', situruka ukkuranna siagang batu le'baka nipa'a' battu lalang siagang battu pantara', battu ri pundasina sa'genna nai', kammayatompa battu ri tembo' bageang pantara' sa'genna tembo' paranglakkeng lompoa.

2 SAMUEL 7:5

“A'lampako siagang pabattui mae ri atangKu Daud anne pasangKu angkanaya, ‘Angngapa naikau ambangung balla' untu' iNakke.

2 SAMUEL 22:39

Kupatappasa' ke'nanga sa'genna takkullea ambangung poleang, anra'bai ke'nanga ri dallekang bangkengku.

1 PATTOTTORANG 22:8

Mingka Nakana Batara angkanaya masarro sikalia' a'bundu' siagang jai sikalimi tau le'ba' kubuno. Jari lanri kammana minjo natena Napa'bianga' inakke untu' ampabangungangi balla'.