1 KARAENG-KARAENG 4:29 - KITTA' MATANGKASA'

²⁹ Nisaremi pangngassengang mabaji' Salomo ri Allata'ala, siagang pangngassengang la'bi nabiasaya, kammayatompa pammahang lantang sikalia.

1 KARAENG-KARAENG 4:29 Referans Kwoze

1 KARAENG-KARAENG 3:12

jari laKuturukiang mako pappala'nu. LaKupa'jariko la'bi cara'dekangngang siagang la'bi bajikangngang pangngassengannu na manna inai-nai, baji' ri jammang allaloa, kammayatompa ri jammang labattua.

YAKOBUS 3:17

Mingka inai ampatangi kacara'dekang battu ratea ri suruga, iami maci'nong, nangai assiamaka, sombereki, siagang mappilangngeri. Iami sanna' jaina pangngamaseanna siagang a'nyatami panggaukang-panggaukang baji'na. Tena nabattala' siali, siagang tena nangai assara-sarai.

YAKOBUS 1:5

Punna nia' tau ri kau ngaseng kurang pangngissengang, parallui nupappalakkang battu ri Allata'ala, sollanna nisare pangngissengang battu ri Allata'ala; nasaba' yangasenna taua akkullei Nasare Allata'ala lanri lammoro' pa'mai'Na, kammayatompa lanri pangngamaseanNa.

1 KARAENG-KARAENG 4:20

Ra'ya' Yehuda siagang ra'ya' Israel sanrapangi kassika ri biring tamparang jaina. Anggannaki ke'nanga ri kanre siagang ri inungang kammayatompa sannangi katallassanna ke'nanga.

YAKOBUS 1:17

Sikontu passare bajika siagang hadia sukkuka, sangnging battu ngaseng ri suruga, nipaturunga ri Allata'ala, ampa'jariai sikontu apa-apa singaraka ri langika. Iami Allata'ala tamamminraya, tenaya Nammoli' bayang-bayang lanri pamminroanna apa-apaya.

KATO'BA 2:26

Allata'ala assare kacara'dekang, pangngassengang siagang kate'neang mae ri tau ampakasannangai pa'mai'Na. Mingka tau dorakaya Nasuroi a'boya dalle' nampa napatambung wassele'na untu' nipassareang mae ri tau ampakasannangai pa'mai'Na Allata'ala. Jari yangasenna anjo sia-siaji, sanrapang usaha angngondang anging.

PANGNGEBARANG 2:6

Batarami assare kacara'dekang; battu ri Iami rupataua anggappa pangngassengang siagang pammahang.

PAMMUJI 119:34

Kipa'jari pahanga' ri hukkunTa sollanna kuturuki, siagang kugaukang siagang sibatu pa'maikku.

YESAYA 60:5

Lannasa' mako nucini'na anjo siagang accayami rupannu; dinging-dingingi siagang lompoi pa'mai'nu. Nierangi barang-baranna sikamma bansaya mae ri kau, nitambungiko ri kakalumanynyangang battu ba'leang tamparanga.

1 KARAENG-KARAENG 3:28

Nalangngere'na bansa Israel anjo kaputusang le'baka natantukang lalang ri anjo parkaraya, lannasa'mi siagang angngali'mi ke'nanga ri ia. Nasaba' a'nassami angkanaya nisaremi pangngassengang mabaji' ri Allata'ala untu' a'gau' adele'.

PA'JARIANG 41:49

Anjo gandung napasse'rea teai sipato' jaina. Sa'genna tenamo nalitereki Yusuf lanri jaina sanrapangi kassika ri biring tamparanga.

YEREMIA 33:22

LaKutambai jari-jarina atangKu Daud siagang imang-imang suku Lewi, sa'genna anjo ke'nanga a'jari rapangi kassi' ri biring tamparanga jaina siagang bintoenga ri langika tenaya nakkulle nirekeng jaina.”

KATO'BA 1:16

Kupikkiriki angkana, “Inakke anne a'jari tau niparalluanga' siagang tau cara'deka'; bella cara'dekku na sikontu tau le'baka ammarenta ri Yerusalem rioloangangku. Appasse'rea' jai pangngassengang siagang kacara'dekang.”

HAKING-HAKING 7:12

Anjo tu Midian, Amalek siagang tu battua ri parang kassika, tassia'-siaraki ri kere-kere mae anjoreng ri lapparaka. Sangkammai nicini' katimbang a'rappunganga. Unta-untana ke'nanga sanna' jaina sanrapang kassi' ri biring tamparang.

HABAKUK 1:9

Tantarana majui untu' anggaukangi katerassanga; malla' kabusuki taua anciniki nia' battu ke'nanga. Teai sipato' jaina tau natahanga ke'nanga.

PAMMUJI 119:32

Lamannurukia' ri parentaTa siagang sannang pa'mai', saba' iKatte ampa'jaria' la'bi pahang.

DANIEL 2:21

Iami ampattantui wattua siagang jammanga, Ia antu'gurangi siagang allantiki pamarentaya. Ia todong assarei kacara'dekang, siagang assarei pammahang.