1 KARAENG-KARAENG 22:4 - KITTA' MATANGKASA'

⁴ Ri wattunna battu Yosafat, akkuta'nammi Ahab angkana, “Erokko nakia'lampa siagang mange ambunduki kota Ramot?” Appialimi Yosafat angkana, “Baji'mi! A'lampaki' siagang. Tantaraku siagang pasukang a'jarangku lasse'rei siagang tantaranu siagang pasukang a'jarannu.

1 KARAENG-KARAENG 22:4 Referans Kwoze

2 KARAENG-KARAENG 3:7

Akkiringi pasang mae ri Karaeng Yosafat battu ri Yehuda angkana, “Angngewami karaeng Moab mae ri nakke; maka ero'jako anrurunganga' ambaliangi a'bundu'?” Appialimi Karaeng Yosafat angkana, “Baji'mi. Inakke siagang ana' buaku kammayatompa pasukang a'jarangku lamminawang a'bundu' anrurungangko.

EFESUS 5:11

Teako katuru'-turukangi ri taua anggaukangi gau'-gau' tenaya matu-matunna nagaukanga tau ammantanga lalang ri kasassanganga. Passangalinna parallui nusolarri gau'-gau' kammaya anjo. (

PAPPICINI' 2:26

Ia ammetaya, siagang sa'genna kala'busang tuli nagaukangi erokKu, laKusarei koasa sangkamma Kutarimaya battu ri ManggeKu. Lannarimai ke'nanga koasa siagang takkang bassi; kammayatompa untu' langngancuruki bansa-bansaya sanrapang uring tanaya.

2 YOHANES 1:11

Nasaba' inai-nai a'barisallang mae ri anjo tau kammaya, ma'nassa amminawang tommi siagang anjo taua anggaukangi panggaukang ja'dalaka.

1 KORINTUS 15:33

Teako eroki nitipu! Punna a'rappungangko siagang tau ja'dalaka, ma'nassa manna baji' sipa'nu mingka la'jari ja'dala' tommako.

PANGNGEBARANG 13:20

Tau assileporanga siagang tau cara'deka, la'jari cara'deki; tau assileporanga siagang tau toloa, lacilakai.

2 PATTOTTORANG 19:2

nia'mo sitau na'bi niareng Yehu ana'na Hanani battu mange andallekang ri karaenga. Nakanamo anjo na'bia ri ia, “Maka siratangki' ambantui tau ja'dalaka siagang agang mae ri tau birisika ri Batara? Larroi Batara lanri anjo panggaukang kammata.

2 PATTOTTORANG 18:3

Angkanai, “Erokko nakia'lampa siagang mange ambunduki Ramot?” Appialimi Yosafat angkana, “Baji'mi. La'gabungi tantaraku siagang tantaranu. Sipa'rurungangki' a'bundu'.

1 KARAENG-KARAENG 22:5

Mingka bajiki punna nipakkuta'nangngang rolong ri Batara.”

1 KARAENG-KARAENG 22:29

Nampa Ahab karaeng Israel, siagang Yosafat karaeng Yehuda, a'lampami siagang mange ambunduki kota Ramot ri Gilead.