1 KARAENG-KARAENG 22:27 - KITTA' MATANGKASA'

²⁷ Suroi ke'nanga ampantamaki ri tarungkua, siagang sike'de'mo kanre siagang je'ne' inung sareangi, sa'gengku ammotere' siagang salama'.”

1 KARAENG-KARAENG 22:27 Referans Kwoze

2 PATTOTTORANG 16:10

Sanna' larrona Karaeng Asa allangngereki anjo kananna Na'bi Hanani sa'genna napantama' anjo Na'bia ri tarungkua. Iatommi anjo wattua nanasessa Asa siapa are tau battu ri ra'ya'na.

PAPPICINI' 2:10

Teako mallakki mae ri kapa'risanga, tenayamo nasallo namusti nukasia'. U'rangi, angkanaya jaiko lanapantama' Billisika ri tarungkua untu' lanaso'ri. Lasessako sampulo allo sallona. Paralluko tamamminraya ri tappa'nu sa'gennu mate; na iNakke lassareangko katallassang sitojennaya siagang mannannunganga, a'jari hadia ri pammetannu.

EFESUS 3:1

Iaminjo saba'na, na inakke anne, Paulus, nitarungkuma' lanri Isa Almasi untu' ikau ngaseng bansa-bansa maraenga.

LAMPA-LAMPANA 26:10

Na memang iaminjo le'baka kugaukang ri Yerusalem. Lanri sura' koasa battu ri imang-imang kapalaya, jai sikalimi tau jarre' tappa'na ri Allata'ala le'ba' kupantama' ri tarungkua. Ba'lalo, kusitujui tongi sollanna nihukkung mate ke'nanga.

LAMPA-LAMPANA 5:18

Nijakkala'mi anjo sikamma tunisuroNa Allata'ala nampa nipantama' ri tarungku lompoa.

LUKAS 3:20

Mingka pila' natambaiji kaja'dallanna Herodes, lanri napantama'na Yohanes ri tarungkua.

YEREMIA 38:6

Nampa naallea' ke'nanga siagang napanaunga' siagang otere' antama' ri bungunna Malkia ana' bura'nena karaenga, niaka lalang ri paranglakkenna balla' karaenga. Tena je'ne'na anjo bungunga, poro peo'ji bawang lalang; nakuantama'mo ri peoka anjo.

YEREMIA 37:15

Sanna' larrona ke'nanga ri nakke, siagang naparentakammi ke'nanga sollangku niba'ji nampa nikurung ri balla'na Yonatan, juru tulisi'na pamarentaya. Anjo ballaka nipa'jarimi balla' tarungku.

YEREMIA 29:26

“Le'ba' mako Naangka' Batara a'jari imang ansambeangi Yoyada, siagang kamma-kamma anne ikaumi kaminang tinggia empoannu ri Balla'Na Batara. Ia tugasa'nu iamintu amparentakangi sollanna sikamma tau pongoroka, nakanaya kalenna na'bi, nisikkoki rante bassi kallonna.

YEREMIA 20:2

naparentakammi sollangku nitunrung siagang niepong ri Pakke'bu' Lompo Benyamin, pakke'bu' lompo bageang ratena Balla'Na Batara.

YESAYA 30:20

Nasareko Batara wattu paccoba lompo lanri ero'nu Naajara'. Mingka kamma-kamma anne KalenNa anrurungangko, sa'genna lanukasia' kahaderanNa.

PAMMUJI 127:2

Tena matu-matunna anjama battalaka a'boya dalle', ambangung bari'basa' siagang attinro lantang bangngi; saba' Napasadiai Batara untu' tau Nakamaseanga, lalang attinrona ke'nanga.

PAMMUJI 102:9

Sila'busu' alloi musua anghina'; napare' pattunrai arengku ri tau larroa mae ri nakke.

PAMMUJI 80:5

O, Batara Allata'ala Kaminang Koasaya, sa'genna siapa salloTa lalarro, manna nappala' doang ummatTa?

PAOLE 16:3

Anjo passare Paskaya musti nupasikanrei siagang roti tenaya nammake pa'gambang. Tuju alloko musti angnganre roti tenaya nammake pa'gambang, sangkamma ri wattu nubokoina butta Mesir siagang akkaro-karo. Kanremi anjo rotia, iamintu roti niarenga roti kasessang, sollanna tuli nuu'ranginna anjo alloa lalang sikontu tallasa'nu, iamintu ri wattunna nubokoi Mesir, tampa' nupammantangngia angkasiaki sessaya.

IBRANI 11:36

Nia' nicau-cau, nicambo', nisikko' rante nampa nipantama' ri tarungkua.

1 KARAENG-KARAENG 22:26

Naparentakammi Karaeng Ahab angkana, “Jakkalaki! Nampa erangi mange ri Amon walikotaya, siagang mange ri Yoas.

YEREMIA 36:23

Kamma le'ba'na Yehudi ambacai tallu yareka appa' barisi' naung, napolommi anjo bageanga siagang lading ca'di nampa napasambila antama' ri pepeka. Kammami anjo tulusu' nagaukang sa'genna la'busu' natunu ngaseng sikontu anjo kitta' nigulunga.

1 KARAENG-KARAENG 13:4

Nalangngere'na Yerobeam anjo kana-kana kammaya, najo'jo'mi anjo na'bia nampa ammarrang angkana, “Jakkalaki anjo taua!” Mingka a'jari matemi silalonna limanna Yerobeam, sa'genna takkullea nabeso' ammotere'.