1 KARAENG-KARAENG 22:22 - KITTA' MATANGKASA'

²² Akkuta'nammi Batara angkana, ‘Antekamma carana?’ Appialimi anjo roh angkana, ‘La'lampa' nampa kupa'jari a'balle-balle ngaseng na'bi-na'bina Ahab.’ Nakanamo Batara, ‘Baji'mi, gaukammi anjo, lakkulleko antu anynyonyoki.’ ”

1 KARAENG-KARAENG 22:22 Referans Kwoze

HAKING-HAKING 9:23

Nampa Napasimusumo Batara anjo Abimelekh siagang taua ri Sikhem. Sa'genna niewamo Abimelekh ri ke'nanga.

1 SAMUEL 19:9

Ri se'reang allo sitabangi Saul ammempo ri balla'na, na anna'gala' poke. Ti'ring nibattuimi pole Saul ri roh ja'dala' Nasuroa Batara. Anjo wattua sitabangi napasa'ra Daud kacapinna.

1 SAMUEL 16:14

Anjo lapung Saul nibokoimi ri RohNa Batara, siagang nisessami ri roh ja'dala' Nasuroa Batara.

PAPPICINI' 20:10

Nampa nipasambila anjo Billisi' antipuai ke'nanga antama' ri tamparang pepeka siagang bara a'rinraya. Anjoremmi rolong nipela' anjo olo'-oloka siagang na'bi takontutojenga. Tammari-mariai ke'nanga lanisessa allo bangngi sa'genna satunggu-tungguna.

PAPPICINI' 13:14

Na natipu ngasemmo sikontu rupataua ri lino lanri anjo gau'-gau' appakalannasa' akkullea nagaukang ri dallekanna anjo olo'-olo' bungasa' battua sumpaeng. Siagang nasuro ngasemmi ke'nanga appaenteng se're patung untu' anjo olo'-olo' le'baka bokka' nataba pa'dang, mingka attallasa' iji.

YEHEZKIEL 14:9

Punna nia' sitau na'bi nitipu sa'genna assare piali sala, iNakkemi antipui. INakke, Batara Kaminang Tinggia lampakabellai battu ri tu Israel.

AYUB 12:16

Anjo Allata'ala gassingi, kassaki siagang porei! Lapung patipu siagang nitipua nia' ngasengi ri kakoasanNa.

1 KARAENG-KARAENG 22:20

Akkuta'nangi Karaeng Allata'ala, ‘Inai lanynyonyoki Ahab sollanna ero' a'lampa mange a'bundu' siagang mate ri Ramot ri Gilead?’ Tena nasangkamma-kamma pappialinna anjo malaeka'-malaekaka.

1 SAMUEL 18:10

Ammukona niaki Saul lalang ri balla'na, sitabang nata'galaki pokena. Nati'ring nibattuimo ri roh ja'dala' nisuroa ri Allata'ala, sa'genna a'jallo'mo sangkamma tupongoro'. Anjo wattua sitabangi Daud akkarena kacapi sangkamma biasa.

PAPPICINI' 20:7

Punna le'ba'mo anjo wattu sisa'bua taung, lanilappassammi anjo Billisika battu ri tarungkua,

PAPPICINI' 20:3

Nampa napela' malaekaka anjo nagaya antama' ri tubiri'na kamateanga, nampa nakonci siagang nasegele' anjo tubirika sollanna tenamo nakkulle antipui bansa-bansaya ilalang tenanapa nala'busu' anjo wattu sisa'bua taung. Le'baki anjo nilappassammi ammotere' untu' poro sinampekang.

PAPPICINI' 17:17

Nasaba' Napagio'mi Allata'ala atinna ke'nanga untu' anggaukangi pattujunNa Allata'ala. LaNapassamaturu'mi ke'nanga untu' ampassareangi kakoasanna ke'nanga mae ri anjo olo'-oloka sollanna ammarenta anjo olo'-oloka sa'genna kajariang apa Napaua Allata'ala.

1 YOHANES 4:6

Mingka ikatte anne ana'-ana'Naki' Allata'ala; na inai-nai angngassengi Allata'ala, napilangngeri tommi bicaranta. Inai-nai teai taunNa Allata'ala tena nalaNapilangngeri bicaranta. Kammami anjo carata nakkulle niasseng antekamma sisalana Roh assarea pangngajarang tojeng, siagang roh ampasala oloangai taua.

1 TIMOTIUS 4:1

Naterassimi Napau RohNa Allata'ala angkanaya ri jammang labattua sallang, nia' sipa'gang tau lambokoi siagang lansassali Almasi. Lamminawang turuki sallang ke'nanga mae ri roh-roh salaya, siagang lanapinawangi ajarang-ajarang setanga,

YOHANES 8:44

Ia manggenu iamintu Billisika, naia eroka nuturuki iamintu ero'na manggenu. Battu ri uru-urunaji napabuno memang anjo Billisika. Tena le'bakai mae ri katojenganga, lanri tena katojengang ri kalenna. Punna a'balle-balle, anjo biasa memanji ri ia, nasaba' kamma memanjinjo sipa'na. Iami paballe-balle, siagang iami nakabattui sikontu balle-ballea.

PAMMUJI 109:17

Nangai appasuluka kana attunra; boli'mi kamma kalenna nataba pattunra! Tena nangai assare barakka', boli'mi kamma natena barakka' untu' ia!

1 KARAENG-KARAENG 22:21

Kale'bakkanna nia'mo maju se're roh. A'reppese'mi ri Batara na nakana, ‘Inakkemi lanynyonyoki.’

2 KARAENG-KARAENG 3:13

Nakanamo Elisa ri karaeng Israel, “Angngapa nuppala' tulung ri nakke? A'lampamako mange appala' tulung ri na'bi-na'bina tau toanu!” Appialimi Yoram angkana, “Tena! Nasaba' Batara anrancanakangi untu' ampassareangi anne ikambe sipattallu mae ri karaeng Moab.”

ZAKHARIA 13:2

Ri anjo alloa laKupattaenami areng-arenna barhala-barhalaya battu ri anne buttaya, sa'genna tenamo manna sitau angngu'rangi. Sikontu tau nakanaya kalenna na'bi siagang tau a'balle-ballea nakana kalenna napantamakki roh, laKubongka kabusuki.

1 KARAENG-KARAENG 13:18

Jari a'balle-ballemi anjo na'bi toa battua ri Betel angkana ri ia, “Inakke na'bi tonja' sangkamma ikatte. Lanri parentaNa todong Batara na Nasuro malaeka'Na ampauanga' sollanna kubuntuliki' siagang kutoanaki' ri ballakku.”

AYUB 1:12

Nakanamo Batara ri lapung Panggoda, “Baji'mi, gaukammi apa eroka nugaukang mae ri sikontu kakalumanynyanganna Ayub, assala' teako pa'risi'!” A'lampami lapung Panggoda battu ri dallekanNa Batara.

YESAYA 19:14

Batarami ampa'jari ke'nanga assarei pappakainga' appakalingu. Kale'bakkanna sala ngasemmi apa nagaukanga Mesir, ta'royong-royommi rapang tau nasa'ring, ta'laccirika rate ri langngena tonji.