1 KARAENG-KARAENG 22:11 - KITTA' MATANGKASA'11 Kalase'renna battu ri anjo na'bi-na'bia, ia niarenga Zedekia ana'na Kenaana, appareki tanru'-tanru' bassi nampa nakana ri Ahab, “Iaminne Nakananga Batara, ‘Tanru'-tanru' sangkammaya minne lakitunrungangi Siria sa'genna ancuru' ke'nanga.’ ” Gade chapit la |
Pamarenta-pamarenta kotaya ammarentai untu' anggappa doe' pacoco', imang-imanga angngajaraki hukkunNa Batara untu' anggappa gaji, siagang na'bi-na'bia appalaki pangngunju' battu ri Allata'ala untu' anggappa doe' – nampa nakapang ngasengi ke'nanga angkanaya Niagangngangi ke'nanga ri Batara. Nakana ke'nanga, “Niaki Batara ri tangnga-tangngata; tena nalanatujuki' bala.”
Batara Kaminang Koasaya, Allata'alana Israel, le'ba'mi a'bicara ri sesena Ahab, ana' bura'nena Kolaya, siagang ri sesena Zedekia ana' bura'nena Maaseya ia ampakei arenNa Batara untu' ampabattui mae ri kau apa-apa tenaya natojeng. Napaui Batara angkanaya laNapassareangi ke'nanga mae ri kakoasanna Nebukadnezar karaeng Babel, lambunoai ke'nanga ri dallekanna matannu.
Battui mae ri kambe nampa naalle passikko' aya'na Paulus. Napakemi anjo passikko' ayaka ansikkoki lima kalenna siagang bangkeng kalenna nampa nakana, “Iaminne Napaua RohNa Allata'ala: Anne patanna passikko' ayaka lanisikko' kammaminne ri tu Yahudia ri Yerusalem, nampa nipassareang mae ri bansa maraenga.”