1 KARAENG-KARAENG 20:9 - KITTA' MATANGKASA'

⁹ Lanri kammana anjo appialimi Ahab ri anjo sikamma tunisurona Benhadad angkana, “Pauangi karaennu, angkanaya kusitujui anjo uru natuntuka, mingka anne natuntuka makaruaya tena nakkulle kusitujui.” Jari a'lampami anjo sikamma tunisuroa nampa ammotere' mange ri Ahab pole angkana,

1 KARAENG-KARAENG 20:9 Referans Kwoze

1 KARAENG-KARAENG 15:18

Lanri kammana Karaeng Asa naalle ngasengi sikontu bulaenga siagang peraka ia niaka ija ri Balla'Na Batara siagang ri balla' kakaraenganga, nampa nakiring mange ri Damsyik, ri Karaeng Benhadad ri Siria, ana'na Tabrimon cucunna Hezion. Anjo barang-baranga nakiringi siagang nasuro erangi ri siapa are pagawena balla' kakaraenganga, nampa akkiring pasang angkana,

1 KARAENG-KARAENG 20:8

Nakanamo sikamma pamimpinga siagang ra'yaka, “Teaki' jampangi karaeng. Teaki' turukiangi ero'na ke'nanga.”

1 KARAENG-KARAENG 20:10

“Lanakiringi karaenna ikambe sanna' jaina tantara untu' angngancuruki kotanu, sa'genna manna limbu'bu'na anne kotanu akkulle tongi naangka' ke'nanga naporo limannaji bawang nabonei. Assumpai angkanaya poro nihukkungi ri rewata-rewataya, ba'lalo manna pole nibunoi, punna tena nanagaukang anjo kammaya!”