1 KARAENG-KARAENG 20:39 - KITTA' MATANGKASA'

³⁹ Numalona karaenga, akkio'mi anjo na'bia angkana, “O Karaeng Mala'biri', ri wattungku a'bundu' ri tampa' pa'bundukanga nia' tau angngerang mae ri nakke sitau musu nijakkalaka. Nakana anjo taua, ‘Jagai anne taua baji'-baji'. Punna lari, kau musti ansambeangi nibuno yareka a'bayara' 3.000 doe' pera'.’

1 KARAENG-KARAENG 20:39 Referans Kwoze

2 KARAENG-KARAENG 10:24

Nampa assaremo koro'bang Yehu siagang Yonadab mae ri Baal. Ri pantaranna balla' panynyombanga, nia'mo napasadia Yehu 80 tau pangawala' siagang perwira. Le'ba' tommi naparentakang mae ri ke'nanga parenta kammaya anne, “Musti nubuno kabusuki anjo taua. Inai-nai allappassangi kalase'renna battu ri ke'nanga lari lanibunoi!”

PANGNGEBARANG 13:8

Tau kalumanynyanga musti appasuluki doe' sollanna amang tallasa'na; mingka tau kasi-asia nipakabellai battu ri balaya.

PANGNGEBARANG 6:35

Takkulleai ninyonyo' siagang doe'; manna siapa jaina hadia nisareangi talakkullei ampanaungi larrona.

PAMMUJI 49:7

Anjo ke'nanga kakalumanynyangnganna napattoang, siagang napattampo-tampoang pa'barang-baranganna.

AYUB 36:18

Tutuko, teako erokki nitipu ri doe' pammuccu'; teako ero' nipa'lingu lanri kakalumanynyangngang.

1 KARAENG-KARAENG 20:42

Jari nakanamo anjo na'bia ri karaenga, “Iaminne Nakananga Batara: ‘Tau Kuparentakanga Kusuro buno nulappassammi attallasa'. Lanri kammana anjo musti mateko a'jari sambenna. Tantaranu laancuruki lanri nalappassanna lari tantara musua.’ ”

KALAPPASSANG 21:30

Mingka puna akkullei anjo patanna sapi a'bayara' doe' passala, musti a'bayaraki situru' jaina apa nituntuka untu' ansambei nyawana.

1 KARAENG-KARAENG 20:40

Mingka ri boko, ri wattungku sibu', larimi anjo taua.” Appialimi karaenga angkana, “Ikau tonji antappuki hukkunganga mae ri kalennu. Musti nutanggongi anjo hukkunganga.”

YEREMIA 48:10

Nitunrai tau tenaya naero' anggaukangi tugasa' battua ri Batara siagang attojeng-tojeng. Nitunrai tau tenaya nabi'buki pa'danna untu' ammuno.