1 KARAENG-KARAENG 20:30 - KITTA' MATANGKASA'

³⁰ Sikamma tau lappasaka, lari mange ri kota Afek, mingka rumbangi tembo'na anjo kotaya, na nia' 27.000 tau ri ke'nanga nituju. Lari tommi Benhadad mange anjoreng ri kotaya nampa accokko ri se'reang balla' ri kamara' bageang lalang.

1 KARAENG-KARAENG 20:30 Referans Kwoze

2 PATTOTTORANG 18:24

Appialimi Mikha angkana, “Nucini'ji antu sallang buttina ri wattunnu antama' ri se'reang kamara' untu' accokko!”

1 KARAENG-KARAENG 22:25

Appialimi Mikha angkana, “Sinampe' nuciniki buttina, ri wattunnu antama' ri se'reang kamara' untu' accokko.”

1 KARAENG-KARAENG 20:26

Ri wattu appakkaramulanamo accu'la sikamma poko'-pokoka, napagio'mi tantarana battu ri kota Afek untu' ammajui tu Israel.

LUKAS 13:4

Jari antekamma anjo tau sampuloa assagantuju, matea todong ri balang Siloam ri wattunna niutungi ke'nanga ri rumbanna cappa'na manaraya? Nukana iaminjo a'jari pammatei angkanaya lompoangangi dosana ke'nanga na sikontu tau maraenga, niaka ammantang ri Yerusalem?

AMOS 9:3

Punna accokkoi ke'nanga ri coppo'na Moncong Karmel, laKuboyai naKujakkala' ke'nanga. Punna accokko ke'nanga irawanganna tamparanga, laKuparentakangi naga tamparanga untu' ampittoki ke'nanga.

AMOS 5:19

Kaadaanna rapangi tau laria battu ampilari singaya, nampa assibuntulu' siagang beruang. Yareka kontui tau ammotereka mae ri balla' nappatungkulu' siagang limanna mae ri temboka nampa nipitto' ri ulara'!

DANIEL 4:37

Jari kamma-kamma anne, inakke Nebukadnezar, kupuji, kupakatinggi siagang kupakala'biriki Karaenga ri Suruga. Sikontu Nagaukanga annabai siagang adeleki, siagang akkullei Napakatuna tau tampoa panggaukanna.

YEREMIA 48:44

Tau laria battu ri tau lammunoa, latu'guruki antama' ri kali'bonga, siagang tau akkullea assulu' battu ri kali'bonga laniallei ri sikko'. Yangasenna anjo kammaya lakajariangi ri wattu le'baka Kupattantu untu' angngancuruki Moab.

YESAYA 24:18

Tau laria battu ri anjo kagegeranga latu'guruki antama' ri sikko' tattannanga, na tau ta'lappasaka battu ri sikkoka laniallei ri tado'. Bosi lompoa latattumpai battu rate ri langika, nampa dapara'na buttaya lata'goccangi.

PAMMUJI 18:25

Na Nabalasa'mo Batara panggaukang tojengku saba' Naassengi angkana tena kusala.

1 KARAENG-KARAENG 20:20

Massing nabunomi ke'nanga musu nadallekanga. Larimi tu Siria, na niondang ri tu Israel. Mingka ta'lappasaki Benhadad. Lari siagang jaranna, nirurungang ri siapa are tantarana a'jaranga.

1 KARAENG-KARAENG 20:10

“Lanakiringi karaenna ikambe sanna' jaina tantara untu' angngancuruki kotanu, sa'genna manna limbu'bu'na anne kotanu akkulle tongi naangka' ke'nanga naporo limannaji bawang nabonei. Assumpai angkanaya poro nihukkungi ri rewata-rewataya, ba'lalo manna pole nibunoi, punna tena nanagaukang anjo kammaya!”

YOSUA 13:4

Kammayatompa musti nialle iji iamintu: sikontu daera Kanaan siagang Meara (daerana bansa Sidon), sa'genna mange ri Afek ri pa'baeng-baenna daera bansa Amori;

1 SAMUEL 29:1

Tu Filistin napa'rappungammi sikontu tantarana ri Afek, nampa tu Israel akkemai ri ampi'na timbuseng je'neka ri Lappara' Yizreel.

1 KARAENG-KARAENG 20:29

Tuju allo sallona tulusu' lalanna massing ri kemana tu Siria siagang tu Israel, assidale'-dallekang ke'nanga. Ri makatujuna alloa appakkaramulami ke'nanga simajui a'bundu'. Lalang ri anjo pa'bundukanga nia' 100.000 tu Siria nibuno ri tu Israel.

2 KARAENG-KARAENG 10:24

Nampa assaremo koro'bang Yehu siagang Yonadab mae ri Baal. Ri pantaranna balla' panynyombanga, nia'mo napasadia Yehu 80 tau pangawala' siagang perwira. Le'ba' tommi naparentakang mae ri ke'nanga parenta kammaya anne, “Musti nubuno kabusuki anjo taua. Inai-nai allappassangi kalase'renna battu ri ke'nanga lari lanibunoi!”

YESAYA 30:13

Lanri kammana anjo sala ngaseng mako. Rapangko tembo' tinggi a'lattaya battu rate sa'genna naung; larumbang silalonnako.

HAKING-HAKING 9:40

Mingka nibundukimi ri Abimelekh, sa'genna lari. Sanna'mi jaina tu mate ri pakke'bu' lompona kotaya.

2 SAMUEL 18:8

A'la'baki anjo pa'bundukanga mange ri sikontu anjo daeraya, siagang la'bi jaiangngangi mate takkurunga lalang ri romanga naia matea ri tampa' pa'bundukanga.

2 KARAENG-KARAENG 9:2

Punna battuko mange anjoreng boyai Yehu ana'na Yosafat cucunna Nimsi. Kioki kale-kalenna antama' ri se'reang bili',