1 KARAENG-KARAENG 20:20 - KITTA' MATANGKASA'

²⁰ Massing nabunomi ke'nanga musu nadallekanga. Larimi tu Siria, na niondang ri tu Israel. Mingka ta'lappasaki Benhadad. Lari siagang jaranna, nirurungang ri siapa are tantarana a'jaranga.

1 KARAENG-KARAENG 20:20 Referans Kwoze

KATO'BA 9:11

Nia' pole kucini' ri anne linoa: teai tuli kaminang gassinga lari ammeta ri pa'lumbanga, teai tuli tau kassaka ammeta ri pa'bundukanga. Tena natuli anggappa pa'boya-boyang tau cara'deka. Na tau taranga pikkiranna tena natuli anggappa kakalumanynyangang. Kammayatompa natuli masahoro' tau porea. Saba' manna inai akkulle tonji natuju dalle' siala'.

PAMMUJI 46:6

Ammantangi Allata'ala anjoreng, jari talapossokami anjo kotaya; laNatulungi ri wattu ammumbana alloa.

PAMMUJI 33:16

Teai lanri jaina tantarana nammeta karaenga, tena nasalama' surudadua lanri kagassinganna.

2 KARAENG-KARAENG 19:36

Jari ammunduru'mi Sanherib karaeng Asyur nampa ammotere' mange ri Niniwe.

2 SAMUEL 2:16

Sikakka' uu'mi ke'nanga siagang sitobo'mi para parru'na ke'nanga, sa'genna para mate ke'nanga. Lanri kammana minjo naniaremmo anjo tampaka ri Gibeon “Koko Pa'dang”.

KAIMANGNGANG 26:8

poro lima bawang tau nakkulle nabeta musua sibilangngang siagang sibilangngang tau akkullei nabeta sampuloa sa'bu musu.

1 KARAENG-KARAENG 15:18

Lanri kammana Karaeng Asa naalle ngasengi sikontu bulaenga siagang peraka ia niaka ija ri Balla'Na Batara siagang ri balla' kakaraenganga, nampa nakiring mange ri Damsyik, ri Karaeng Benhadad ri Siria, ana'na Tabrimon cucunna Hezion. Anjo barang-baranga nakiringi siagang nasuro erangi ri siapa are pagawena balla' kakaraenganga, nampa akkiring pasang angkana,

1 KARAENG-KARAENG 20:19

Anjo tantara rungka-rungka napagioka Karaeng Ahab appakkaramulai gio' battu ri Samaria, nipinawangi ri tantara Israel.

1 KARAENG-KARAENG 20:21

Amminawang tongi Karaeng Ahab a'bundu', na naancuru' kareta-kareta pa'bundukanna musua siagang nabuno jaranna. Anjo alloa nibeta lompoi tu Siria.

YEREMIA 41:15

Mingka Ismael siagang sagantujua ana' buana ta'lappasaki, nampa lari mange ri pa'rasangang Amon.

HAKING-HAKING 7:23

Nikio' tommi suku Naftali, Asyer siagang suku Manasye niaka irayanganna siagang ilaukanna Binanga Yordan. Nampa angngondang tommo ke'nanga ri tantara Midian.