1 KARAENG-KARAENG 2:9 - KITTA' MATANGKASA'

⁹ Mingka iaminne pasangku ri kau: teako lappassangi ta'lappasa' battu ri hukkunganga. Kuassengi angkanaya ikau baji' pa'maikko. Jari, manna pole natoamo, usahakangi na nihukkung mate.”

1 KARAENG-KARAENG 2:9 Referans Kwoze

1 KARAENG-KARAENG 2:6

Jari, anakku, musti appanggaukangko mae ri ia situru' apa nukanaya baji'. Mingka teako lappassangi mate biasa.

PA'JARIANG 42:38

Mingka nakanamo Yakub, “Tena! Takkulleai nuerang Benyamin a'lampa. Matemi daenna, kamma-kamma anne kalenna mami ammantang. Gassingka anggappai bala lalang ri lampanu. Inakke anne toama'. Anjo susa lanupabattua ri nakke la'jari sabaki ri kamateangku.”

1 KARAENG-KARAENG 3:28

Nalangngere'na bansa Israel anjo kaputusang le'baka natantukang lalang ri anjo parkaraya, lannasa'mi siagang angngali'mi ke'nanga ri ia. Nasaba' a'nassami angkanaya nisaremi pangngassengang mabaji' ri Allata'ala untu' a'gau' adele'.

1 KARAENG-KARAENG 3:12

jari laKuturukiang mako pappala'nu. LaKupa'jariko la'bi cara'dekangngang siagang la'bi bajikangngang pangngassengannu na manna inai-nai, baji' ri jammang allaloa, kammayatompa ri jammang labattua.

PAMMILANGNGANG 32:23

Mingka u'rangi, punna tena nurupai janjinnu, dorakako mae ri Batara siagang lanihukkungko lanri anjo dosanu.

KALAPPASSANG 22:28

Teako sumpai Allata'ala, siagang teako tunrai pamimpinna bansanu.

KALAPPASSANG 20:7

Teako tappu bawang-bawangngi arengKu, saba' iNakke, Karaeng Allata'alanu, anghukkungi manna pole inai ampake salayai arengKu.

2 SAMUEL 16:5

Ri wattunna battu Daud mange ri Bahurim, nia'mo se're tau battu anjoreng ri tampaka, siagang lalang a'reppese'na mange ri rombonganna karaenga, natunrami Daud. Anjo taua niarengi Simei ana'na Gera, battu ri bija pammanakanna Saul.

PA'JARIANG 9:6

Anjo rupataua nipa'jari sangkamma iNakke; lanri kammana anjo, inai-nai ammuno rupatau, kalenna lanibuno tongi ri rupataua.

KALAPPASSANG 22:27

nasaba' anjo jubaya tena ruanna lanapake untu' angkammuki kalenna. Punna tena nupoterangi mae ri ia, maka apa lanapake a'jari kalimbu' punna tinroi? Punna akkioki mae ri Nakke appala' tulung, laKupilangngeri pakkio'na lanri Kukamaseanna.

2 SAMUEL 3:39

Manna inakke anne nipilea' ri Allata'ala a'jari karaeng, mingka kamma-kamma anne tena kusa'ring kagassingangku. Anjo ana'-ana'na Zeruya teai sipato' palla'na. Takukulleai kukoasai ke'nanga. Dasi-dasi nanihukkung ri Karaeng Allata'ala anjo ke'nanga tau ja'dalaka, situru' panggaukanna ke'nanga.”