1 KARAENG-KARAENG 2:44 - KITTA' MATANGKASA'

⁴⁴ Baji' nuassenna sikontu kaja'dallannu mae ri manggeku. Lanri kammana minjo na laNahukkungko Batara,

1 KARAENG-KARAENG 2:44 Referans Kwoze

YEHEZKIEL 17:19

Lanri iNakke, Allata'ala mattallasaka, Batara Kaminang Tinggia, laKuhukkungi karaeng Yehuda le'baka andakkai parjanjianna siagang karaeng Babel padahala' assumpai lalang arengKu untu' lanarupai.

PAMMUJI 7:16

Angngekei kali'bong untu' tau maraeng, mingka kalenna tu'guru' antama'.

1 SAMUEL 25:39

Nalangngere'na Daud angkana matemi Nabal, nakanamo, “Nipujimi Batara! Nabalasa'mi kana-kana appakahinana mae ri nakke, siagang Napisangkaimi anne atanNa ampanggaukang kaja'dallang. Nihukkummi Nabal ri Batara lanri kaja'dallanna.” Nampa akkirimmo Daud tunasuro mange ri Abigail untu' ampassuroi a'jari bainenna.

1 YOHANES 3:20

Punna nibilang salaki' ri ati mailalanta, niassengi angkanaya lompoangangi pangngassenNa Allata'ala na pangngassengang niaka ri atinta siagang Naasseng ngasengi sikontu apa-apaya.

ROMA 2:15

Panggaukannami ke'nanga ampa'nassai angkanaya tattulisiki ri atinna ke'nanga anjo apa-apa napassuroanga anjo hukkung-hukkunga. Atinnami pole ke'nanga ampa'nassai anjo passalaka, nasaba' nia' wattunna nanipasala yareka nanipannaba ri pikkirang kalenna todong ke'nanga.

YOHANES 8:9

Nalangngere'na ke'nanga akkana kamma Isa, a'lampa tasse're-se'remi ke'nanga ambokoi anjo tampaka, appakkaramula kaminang toaya. Kala'busanna Isa mami ammantang siagang anjo bainea ammenteng ri pammentenganna.

HOSEA 4:9

Jari lapa'risi' mako sangkamma ra'yaka! LaKuhukkungko situru' sikamma panggaukannu.

PANGNGEBARANG 5:22

Anjo dosana tau ja'dalaka sanrapangi sikko' tattannanga untu' kalenna tonji ke'nanga.

1 KARAENG-KARAENG 2:43

Mingka kamma-kamma anne angngapa nanukaluppai anjo janjinnu siagang nudakkai parentaku?

2 KARAENG-KARAENG 11:1

Ri wattunna naasseng Atalya angkanaya matemi ana'na, iamintu Karaeng Ahazia, naparentakammi sollanna nibuno kabusu' sikontu kaluargana Ahazia.

2 KARAENG-KARAENG 11:12

Le'baki anjo nierammi Yoas assulu' ri Yoyada, nampa napataba ri ulunna Yoas songko' kakaraenganga, siagang napassareang mae ri ia kitta' HukkunNa Allata'ala. Nilanti'mi Yoas a'jari karaeng, nampa nipa'la'bang anjo passalaka mae ri sikontu ra'yaka. Attempa lima kabusu'mi ke'nanga siagang akkio' rannu angkana, “La'bui umuru'na karaenga!”

PAMMUJI 109:20

O, Batara, Kipitujuimi hukkungang anjo tau antudua', mae ri tau a'bicara ja'dalaka ri batangkalengku.