1 KARAENG-KARAENG 2:31 - KITTA' MATANGKASA'

³¹ Nalangngere'na karaenga anjo, nakanamo, “A'lampamako siagang gaukammi anjo apa napaua. Bunoi siagang tarawangi, sollanna inakke siagang turunganna manggeku tenamo nakutanggong jawa' mae ri pammunoang nagaukanga Yoab mae ri tau tenaya salana pirangalloang.

1 KARAENG-KARAENG 2:31 Referans Kwoze

PAMMILANGNGANG 35:33

Punna nugaukangi anjo kammaya, nura'massimi butta nupammantangngia. Anjo pammunoanga nara'massi pa'rasanganga; jari tena cara maraeng untu' antangkasi anjo pa'rasanganga pantaranganna angkanaya musti niallei nyawana anjo tau ammunoa.

KALAPPASSANG 21:14

Mingka punna nia' tau nabattui bambang nyawana siagang nakunjungi memang tongi ambunoi paranna tau, nampa lari mange ri tampa' pakkoro'bangngangKu untu' a'boya pa'la'langngang, anjo tau kammaya musti niallei battu ri tampa' pakkoro'bangngangKu nampa nihukkung matei.

LAMPA-LAMPANA 28:4

Nacini'na tuma'buttaya anjoreng ri anjo puloa ta'gentung anjo ularaka ri limanna Paulus, massing nakanamo ke'nanga, “Ma'nassa pabuno tau anne taua. Nasaba' manna pole ta'lappasa'mi battu ri bahaya ri tamparanga, mingka tena nikellai attallasa' ri Dewi Kaadelanga.”

PANGNGEBARANG 28:17

Tau ammunoa tulusu' kammai tuniondang na kasia' sa'genna narapi' a'jala'na; manna sitau takkulle antahangi.

2 SAMUEL 3:28

Nalangngere'na Daud anjo passalaka, nakanamo, “Naassengi Batara angkanaya inakke siagang ra'yakku tena sikali nasala lalang ri anjo pammunoanga mae ri Abner.

2 SAMUEL 3:29

Lappassammi Yoab siagang sikontu kaluargana nihukkung lanri anjo panggaukanna. Dasi-dasi na lalang ri kaluargana Yoab siagang jari-jarina tuli nia'na tau garring sala, yareka bura'ne tenaya kagassinganna, yareka kakurangangi ri kanre-kanreang!”

1 KARAENG-KARAENG 2:30

A'lampai Benaya mange ri KemaNa Karaeng Allata'ala siagang nakana ri Yoab, “Nasuroko karaenga assulu' battu antureng!” Appialimi Yoab angkana, “Tena, erokka' mate anrinni.” Ammotere'mi Benaya allaporoki anjo mae ri karaenga.