1 KARAENG-KARAENG 18:39 - KITTA' MATANGKASA'

³⁹ Nacini'na ra'yaka anjo apa kajarianga, su'ju'mi ke'nanga naung ri buttaya, nampa nakana ke'nanga, “Batarami Allata'ala. Ma'nassa tojenna anjo Batara, Allata'ala!”

1 KARAENG-KARAENG 18:39 Referans Kwoze

1 KARAENG-KARAENG 18:24

Lappassammi anjo na'bi-na'bi Baal appala' doang mae ri rewatana ke'nanga, nampa inakke lappala' doang tonga' mae ri Batara. Ia appialia siagang pepe', Iami Allata'ala.” Sikontu ra'yaka appiali ngasemmi angkana, “Situju!”

2 PATTOTTORANG 7:3

Ri wattunna nacini' ra'ya' Israel anjo pepe' turunga battu rate ri langika siagang singara' kahaderanNa Batara ampantamakki Balla'Na Batara, su'ju' kabusu'mi ke'nanga naung ri daparaka, nampa anynyomba siagang ammuji ri Allata'ala, lanri baji'Na siagang mangngamaseangi satunggu-satungguna.

1 KARAENG-KARAENG 18:21

Nampa nareppesi Elia anjo ra'yaka na nakana, “Sa'ge kemaepi ero'nu a'rua nyawa? Punna Batara, Batara musti nusomba. Punna anjo Baal Allata'ala, iami nusomba.” Anjo ra'ya' niaka a'rappungang, tena nia' akkana.

LAMPA-LAMPANA 4:16

Nakanamo ke'nanga, “Apa musti nigaukang ri anjo tau ruaya? Sikontu tau niaka ammantang ri Yerusalem naasseng ngasemmi angkanaya anjo tau ruaya anggaukangi anjo gau' appakalannasaka. Takkulleami nicokkoi anjo apa nagaukanga ke'nanga.

LAMPA-LAMPANA 2:37

Nalangngere'na ngaseng ke'nanga anjo napaua Petrus, sanna' ngasemmi dinging-dinginna atinna ke'nanga. Jari akkuta'nammi ke'nanga ri Petrus siagang anjo tunisuro maraenganga, angkana, “Jari apamo musti nigaukang anne, sari'battang?”

YOHANES 5:35

Anjo Yohanes, sanrapangi lampu a'rinraya siagang tassioroka cayana. Untu' sinampekang, nungai antarimai anjo cayana.

1 PATTOTTORANG 21:16

Naciniki Daud anjo malaekaka allayang ri alla'na langika siagang buttaya. Nia' pa'dang lalang limanna, nasadia anjo malaekaka angngancuruki Yerusalem. Na anjo wattua, Daud siagang sikamma pamimping-pamimping ra'yaka, ammakemi care-care karung a'jari pammatei angkanaya assesse'lalammi ke'nanga, nasu'ju' ke'nanga naung ri buttaya.

HAKING-HAKING 13:20

Lalang a'rinrana nai' anjo pepeka battu ri tampa' pakkoro'bangnganga, nacini'mi Manoah siagang bainenna anjo malaekaka lalang pepe' nai' ri langika. Nampami naasseng Manoah angkana malaeka'Na Batara anjo battua; Jari su'ju'mi siagang bainenna anynyomba. Ribokoanganna tale'bakami nacini' pole ke'nanga anjo malaekaka.

KAIMANGNGANG 9:24

Ti'ring Napanaummi Batara pepeka nanakanre sa'genna la'busu' koro'bang nitunua siagang bageang-bageang niaka jannana irate ri tampa' pakkoro'bangnganga. Nacini'na umma' Israel anjo kammaya, a'gora-gora rannumi ke'nanga nampa su'ju' anynyomba.

1 KARAENG-KARAENG 8:60

Lanri kammana, sikontu bansaya ri lino lanaassemmi angkanaya Iaji bawang Batara, Allata'ala, tena maraenganna.

EZRA 1:3

Poro Najagai ngasengko Allata'ala, ikau ngaseng a'jaria umma'Na. Musti ammoterekko mange ri Yerusalem nampa nubangung ammotere' Balla'Na Batara untu' Allata'alana Israel, Allata'ala niaka ammantang ri Yerusalem.

PAMMUJI 100:3

U'rangi angkanaya anjo Karaeng Allata'ala. Ia ampa'jariki' siagang Ia ampatangki'; ikatte umma'Na, bansa Naparakaia.

PAMMUJI 118:27

Batarami Allata'ala, malammoro' pa'maiki mae ri katte. Maju mako a'barrisi' siagang tangke kayu ri limannu, siagang kulilingi tampa' pakkoro'bangnganNa Batara.

KALAPPASSANG 20:2

“INakkemi Karaeng Allata'alanu, angngerangako assulu' battu ri Mesir, tampa'nu nipare' ata.

1 KARAENG-KARAENG 20:13

Lalang anjo wattua, nia'mo sitau na'bi mange ri Karaeng Ahab na nakana, “Nakana Batara, ‘Nuciniki anjo tantara jaia? LaKusareko pammetang mae ri ke'nanga anne alloa. Lanuassengi angkanaya iNakkemi Batara.’ ”

2 PATTOTTORANG 33:13

Naturukiammi Allata'ala pappala'na Manasye siagang nipoterammi mange ri Yerusalem untu' ammarenta poleang. Passala' anjo kajarianga a'jari tappa'mi Manasye angkanaya Iaminjo Batara, Allata'ala matojenga.

PAMMUJI 50:7

“Pilangngeri, ikau ummakKu, erokKa' a'bicara, Israel, eroki Kusa'bi mae ri kau ngaseng; iNakke anne Allata'ala, Allata'alanu.

PAMMUJI 94:16

Inai angngalleia' battu ri tau dorakaya? Inai angngagangnganga' angngewai tau a'gau' ja'dalaka?

YEHEZKIEL 20:5

Pabattui anne apa Kupaua. Le'baki Kupile Israel siagang assumpa mae ri ke'nanga. Ri Mesir, Kupa'nyatai KalengKu mae ri ke'nanga na Kukana, ‘INakkemi Bataranu.’