1 KARAENG-KARAENG 18:15 - KITTA' MATANGKASA'

¹⁵ Appialimi Elia angkana, “Lanri Batara Kaminang Koasa kulayania, a'janjia' labattu kalengku andallekang ri karaenga ia memang anne alloa.”

1 KARAENG-KARAENG 18:15 Referans Kwoze

1 KARAENG-KARAENG 17:1

Nia' sitau na'bi niareng Elia. Assala'na tubattu ri Tisbe, iamintu se'reang kota ri daera Gilead. Ri se'reang allo battui mae ri Karaeng Ahab na nakana, “Lanri Batara, Allata'ala mattallasaka, Ia nasombaya tu Israel siagang Ia kulayania, kupabattuangki' angkanaya lalang ruampulo yareka tallumpulo taung labattua anne latena saliu' yareka bosi manna sike'de', pantaranganna punna kukanangi.”

1 KARAENG-KARAENG 18:10

Lanri arenNa Batara mattallasaka, Allata'ala kisombaya bapa', kupauang maki' angkanaya nasuroa' karaenga untu' amboyaki' ri kere-kere mae. Punna nia' tukoasa ri se'reang pa'rasangang angkana tenaki' anjoreng, nasuroi Ahab anjo tukoasaya ri anjo pa'rasangang assumpa angkana ma'nassa tena tojeng nanibuntulukki' anjoreng.

LUKAS 1:19

Appialimi malaekaka angkana, “Inakke minne malaeka' Gabriel. Inakke palayanNa Allata'ala, na Iami assuroa' ampabattui anne kabara' bajika mae ri kau.

YEREMIA 8:2

teai untu' nipasse're nampa nitarawang ammotere', passangalinna untu' nibalang parekang ri buttaya sangkamma loro. Sikamma buku-bukunna anjo taua latassiaraki ri dallekanna mataalloa, bulanga siagang sikamma bintoeng napareka rewata ke'nanga, nangaia, nalayania, nasombaya, siagang napappalakkia pitunju'.

YESAYA 6:3

Akkioki ke'nanga battu ri se'rea mae ri maraengannaya angkana: “Matangkasa', matangkasa', matangkasa'. Matangkasaki Batara Kaminang Koasaya. Rassi linoa ri kahaderang mala'biri'Na.”

PAMMUJI 103:21

Pujimi Batara, he sikontu apa niaka ri suruga, sikontu atanNa anggaukangai ero'Na.

AYUB 25:3

Maka akkullei nirekeng jaina malaeka' allayaniai? Maka nia' tampa' tanisingaria ri singara'Na?

PAOLE 4:19

Teako dorakai lanri anynyombanu yareka nupa'matu-matuna kalennu mae ri apa niaka nucini' ri langika, kammaya: mataallo, bulang siagang bintoenga. Bansa maraenga Nabalang parekangi Karaeng Allata'alanu ansombai anjo barang-barang kammaya.

PAOLE 1:38

Mingka pakajarreki nyawana pambantunu, iamintu Yosua ana'na Nun. Iami lampimpingi tu Israel langngallei anjo buttaya.’

PA'JARIANG 2:1

Nale'ba'mo nipa'jari sikontu apa-apaya.

1 KARAENG-KARAENG 18:14

Kamma-kamma anne, angngapa nakisuroa' a'lampa ampaui ri karaenga angkanaya niakki' anrinni? Ma'nassa lanabunoa'!”

1 KARAENG-KARAENG 18:16

Jari a'lampami Obaja allaporoki mae ri karaenga, nampa a'lampamo Ahab mange angngagangi sibuntulu' Elia.

1 KARAENG-KARAENG 22:14

Mingka appialimi Mikha angkana, “Lanri Batara mattallasaka, iaji bawang lakupau apa le'baka Nakanang Batara mae ri nakke!”

YEREMIA 39:17

Mingka iNakke, Batara laKula'langngiko. Tena nalaKupassareangko mae ri tau nukamallakkanga.