1 KARAENG-KARAENG 18:1 - KITTA' MATANGKASA'

¹ Le'baki siapa are wattu sallona, ri makatallun taung ri anjo wattu timoroka, Nakanamo Batara ri Elia, “A'lampako mange andallekang ri Karaeng Ahab, tasalloami nalaKupaturung bosia.”

1 KARAENG-KARAENG 18:1 Referans Kwoze

LUKAS 4:25

Mingka pilangngerimi anne: ri jammang nia'na Na'bi Elia, ri wattu tenana naturung bosia tallun taung sitangnga, naallemi cipuru' sikontu bonena pa'rasanganga. Na anjo wattua jai janda ri Israel.

YAKOBUS 5:17

Anjo Elia, tau biasa tonji kamma ikatte. Attojeng-tojengi appala' doang sollanna tena naturung bosia; apaji natena tojemmo naturung bosia tallun taung assitangnga sallona.

1 KARAENG-KARAENG 17:1

Nia' sitau na'bi niareng Elia. Assala'na tubattu ri Tisbe, iamintu se'reang kota ri daera Gilead. Ri se'reang allo battui mae ri Karaeng Ahab na nakana, “Lanri Batara, Allata'ala mattallasaka, Ia nasombaya tu Israel siagang Ia kulayania, kupabattuangki' angkanaya lalang ruampulo yareka tallumpulo taung labattua anne latena saliu' yareka bosi manna sike'de', pantaranganna punna kukanangi.”

PAOLE 28:12

Lappaturungi bosi Batara punna narapi' wattunna battu ri pammolikang alla'biNa ri langika. LaNabarakkaki sikontu usahanu, sa'genna akkulleko assarei angnginrang jaia bansa, mingka tena nuparallu angnginrang manna pole battu ri nai.

1 KARAENG-KARAENG 18:2

Jari a'lampami Elia. Anjo wattua teaimi sipato' sanna'na nataba bala kacipurang taua ri Samaria.

YO"EL 2:23

He ra'ya' Sion, rannu mako! Ma'reja-rejako nu ma'rannu-rannu! Lanri sikontu kabajikang battua ri Karaeng Allata'alanu. Ri wattu timoroka Napaturungangko bosi siganna'na. Ri wattu baraka Napaturungi bosia, kammayatompa ri wattu a'rappona rappo-rappoanga kamma riolo.

KAIMANGNGANG 26:4

lappaturungA' bosi punna narapi' wattunna, sa'genna angngerang wassele' buttaya siagang a'rappo poko' kayu rappo-rappoanga.

PAPPICINI' 11:6

Nia' kakoasanna ke'nanga untu' antongkoki langika sollanna tena naturung bosia ri wattu napa'la'banna ke'nanga biritta battua ri Allata'ala. Nia' todong kakoasanna ke'nanga mae ri sikontu timbuseng je'neka, untu' ampinrai je'neka a'jari cera'. Siagang nia' todong kakoasanna untu' antunrungi buttaya siagang a'rupa-rupa bala, kere-kere wattu punna ero' ke'nanga anggaukangi.

AMOS 4:7

INakke ampisangkai turung bosia ri wattu paralluna ri je'ne' lamung-lamunnu. INakke appaturung bosi mae ri kota se'rea siagang tena ri kota maraenga. Koko se'rea anggappai bosi, nampa koko maraenga kalotoroki.

YEREMIA 14:22

Rewata-rewatana bansa-bansaya takkulleai appaturung bosi ri lino. Manna langika takkulle todong ampaturungi bosia siagang koasa kalenna. IKatteji bawang panrannuanna ikambe. IKatte ampa'jari ngasengi anjo sikammaya.

YEREMIA 10:13

Poro assareji bawang parenta, nammarummo je'neka battu ri passimbanga. Battu ri cappa'-cappa'na buttaya Napabattu rammanga, na Napare' kila' tassioroka lalang ri bosia, kammayatompa Nakiring anginga battu ri pammolikanNa.

YESAYA 5:6

LaKubalang parekangi natimboi ruku'-ruku' liara'. Tena nalaKuparakai poko' anggoro'na, siagang tena nalaKusangkoi. Ba'lalo Kubalang parekangi nitongko' ri ruku' siagang rompo' akkatinting, ba'lalo Kupisangkai rammanga ampitu'guri bosi.”

1 KARAENG-KARAENG 17:15

A'lampami anjo jandaya nampa nagaukang anjo apa napaua Elia. Jari nia'mi parsadiaanna ke'nanga sipattallu ia gannaka untu' siapa are allo sallona.

1 KARAENG-KARAENG 17:7

Siapa are sallona le'ba'na, kalotoro'mi anjo pangka binangaya lanri tenana bosi.

PAPPICINI' 11:2

Mingka teako ukkuruki paranglakkeng pantaranganna anjo Balla'Na Allata'ala, nasaba' anjo bageanga le'ba'mi nipassareang mae ri tau tenaya natappa' mae ri Batara. Lanaonjo'-onjokangi ke'nanga anjo kota matangkasaka patampulo anrua bulang sallona.

1 KARAENG-KARAENG 8:36

poro Kipilangngeri ke'nanga battu ri suruga. Siagang pammopporangi dosana ummatTa Israel kammayatompa karaenna ke'nanga. Ajaraki ke'nanga anggaukangi apa tojenga. Le'baki anjo, o Batara, paturummi bosia ri anne pa'rasanganTa, pa'rasangang Kipassareanga mae ri ummatTa untu' nakammai sa'genna satunggu-tungguna.