1 KARAENG-KARAENG 17:22 - KITTA' MATANGKASA'

²² Napilangngerimi Batara pappala'na Elia; appakkaramulami a'mai' siagang attallasa' poleang anjo anaka.

1 KARAENG-KARAENG 17:22 Referans Kwoze

PAPPICINI' 11:11

Le'baki tallungallo assitangnga sallona, battumi nyawa attallasa' battua ri Allata'ala, nantama' poleang ri kalenna anjo ruaya na'bi. Ammentemmi nai' ke'nanga, sa'genna a'jari malla' sikalimo sikontu tau ancinikai.

PAOLE 32:39

Ciniki, iNakke Allata'ala Tenaya Ruanna, pantaranganna iNakke tena maraeng. INakke ammuno siagang iNakke appakatallasa', allokoki siagang appamolle. PungKu angngalle tindakang, tena manna sitau akkulle angngewa.

IBRANI 11:35

Lanri tappa'na sikamma tubainea nanagappamo ammotere' sikamma taunna le'bakamo mate. Nia' tommo ampassareangi kalenna nisessa sa'genna mate; taerokami nilappassang, lanri ero'na nipattallasa' poleang nanagappa katallassang la'bi bajikanganga.

ROMA 14:9

Le'ba'mi mate Almasi nattallasa' ammotere'. Lanri kammanami anjo Na'jari Bataramo mae ri tau attallasaka siagang mae ri tau mateamo.

YOHANES 11:43

Le'baki akkana kamma Isa, akkio' lompomi Nakana, “Lazarus, assulukko mae!”

2 KARAENG-KARAENG 13:21

Ri se'reang allo, ri wattunna nia' siapa are tau attarawang tumate, ti'ring nia' nacini' ke'nanga garombolang tu Moab battu. Napela' mami ke'nanga anjo mayaka antama' ri jera'na Elisa nampa lari. Kamma tassento'na anjo mayaka ri kitta'-kitta'na Elisa, attallasa' poleammi ammotere' anjo mayaka nampa ammenteng.

1 SAMUEL 2:6

Batara appamate, Ia todong appatallasa'. Mange ri lino tumatea Napanaung rupataua. Na Ia todong angngangkaki taua battu anjoreng.

LAMPA-LAMPANA 20:12

Naerammi taua anjo turungka attallasa' poleanga ammotere' mange ri balla'na. Sannang ngasemmi nyawana ke'nanga siagang anggappami panynyaleori lompo ke'nanga.

LUKAS 8:54

Mingka Nata'gala'mi Isa limanna anjo anaka nampa Nakana, “Ambangungko na'!”

LUKAS 7:14

Nampa a'reppese' Isa ri pa'bulekanna anjo tu matea nampa Nata'gala'! Ammantammi anjo pabule' tu matea. Nakanamo Isa, “E, turungka, Kusuroko ambangung!”

1 KARAENG-KARAENG 17:23

Nampa naung Elia battu ri anjo kamaraka na naerang anjo anaka mae ri amma'na siagang nakana, “Bu', anne anatta! Attallasa' poleammi ammotere'!”