1 KARAENG-KARAENG 17:18 - KITTA' MATANGKASA'

¹⁸ Nakanamo anjo jandaya ri Elia, “AtanNa Allata'ala, angngapa nakigaukang anne kammaya mae ri nakke? Apaka battuki' mae untu' a'jari saba' naNau'rangi Allata'ala dosaku, sa'genna musti mate anakku?”

1 KARAENG-KARAENG 17:18 Referans Kwoze

LUKAS 5:8

Ri wattunna nacini' Simon anjo kajarianga, su'ju'mi ri dallekanNa Isa. Nampa nakana, “Bokoima' Batara! Nasaba' inakke anne tau doraka'!”

LUKAS 4:34

“He Isa, tu Nazaret! Apa ero' Nugaukang mae ri kambe? BattuKo ero' angngancuruki ikambe? KuassenjaKo angkana inaiKo antu: iKaumi tu matangkasaka, nisuroa battu ri Allata'ala!”

2 KARAENG-KARAENG 3:13

Nakanamo Elisa ri karaeng Israel, “Angngapa nuppala' tulung ri nakke? A'lampamako mange appala' tulung ri na'bi-na'bina tau toanu!” Appialimi Yoram angkana, “Tena! Nasaba' Batara anrancanakangi untu' ampassareangi anne ikambe sipattallu mae ri karaeng Moab.”

YOHANES 2:4

Appialimi Isa Nakana, “Teaki' suroiA' amma'. Tenapa narapiki wattunna laKupakabateang KalengKu.”

2 SAMUEL 16:10

Mingka Nakanamo karaenga ri Abisai siagang Yoab daenna, “Teako jampangi anjo. Lappassammi nanatunraia'. Nasaba' punna Batara ansuroi, inaika akkulle angkuta'nangi angkana angngapa nappakamma anjo?”

LUKAS 8:28

Nacini'na anjo taua angkana niaki battu Isa, ammarrang lompomi nampa su'ju' ri dallekanNa Isa. Ammarrammi nakana, “O Isa, Ana'Na Allata'ala Kaminang Tinggia! Apa ero' Kigaukang mae ri nakke? Kupalaki natena Kisessa'!”

MARKUS 6:16

Nalangngere'na Herodes anjo kabaraka, nakanamo, “Mattantu Yohanes Paje'ne' anne, le'baka kusuro samballe pirangalloang. Kamma-kamma anne attallasa' poleammi ammotere'!”

MARKUS 5:7

Ammarrang lompomi nakana, “O Isa, Ana'Na Allata'ala Kaminang Tinggia! Apa ero' Nugaukang ri nakke? Nasaba' Allata'ala, kupalaki ri Katte, tea' laloKi' sessaia'!” (

AYUB 13:26

Kipattantu a'jari paiki sarengku; Kibalasaki kasalang ri wattu rungkaku.

AYUB 13:23

Siapa jaina sala siagang dosa le'ba' kugaukang? Kipau laloi sikamma gau' sala le'baka kugaukang!

2 PATTOTTORANG 35:21

mingka akkirimmi pasang Nekho mae ri Yosia angkana, “Anne bunduka teai urusannu, karaeng Yehuda! Erokka' battu teai ikau lakuagang a'bali a'bundu', passangalinna untu' angngewai musu-musungku, siagang Nasuroa' Allata'ala akkaro-karo a'gio'. Agang mae ri nakke Allata'ala, lanri kammana anjo teako rompaia', gassingka ikau sallang niancuru'.”

1 KARAENG-KARAENG 18:9

Appialimi Obaja angkana, “Apa kasalangku nakiero' ampassareanga' mae ri Ahab sollanna nabunoa'?

1 KARAENG-KARAENG 13:1

Anjo wattua nia' sitau na'bi ri Yehuda. Nisuroi ri Batara a'lampa mange ri Betel. Battui anjo na'bia mange anjoreng sitabanna ammenteng Yerobeam ri dallekanna tampa' pakkoro'bangnganga untu' assare koro'bang.

2 SAMUEL 19:22

Mingka nakanamo Daud mae ri Abisai siagang Yoab daenna, “Teako pantama'-tamakki. Angngapa nanususai ngasenga'? Anne alloa inakke a'jari karaeng ammotere' mae ri Israel, siagang takkulleai nia' tu Israel nihukkung mate.”

1 SAMUEL 16:4

Nagaukammi Samuel situru' anjo Napaua Batara. Ri wattunna battu mange ri Betlehem, niruppaimi ri sikamma pamimpinga ri anjo kotaya. Nata'bangka ke'nanga siagang akkuta'nang angkana, “Maka kabara' kasalamakkang anne naerang kabattuanna bapa'?”

PA'JARIANG 50:17

le'baki nasuro ikambe angkana ri kau, ‘Pammopporangi kasalang le'baka nagaukang anne sikamma sari'battannu mae ri kau.’ Jari, salaku atanNa Allata'ala, ia napakalompoa manggeta, napalaki ikambe ri kau nanupammopporang kasalang le'baka nagaukang ikambe mae ri kau.” Angngarru'mi Yusuf natarimana anjo pasanga.

PA'JARIANG 50:15

Ri matenamo manggena ke'nanga, nakanamo sikamma sari'battanna Yusuf, “Antekamma ebara' angkana napammoli'-molikangki' Yusuf nampa nabalasa' anjo kaja'dallanta pirangalloang?”

MATIUS 8:29

Battu lalangi ke'nanga assulu' ri pa'jerakkanga akkiok-kio' angkana, “E Ana'Na Allata'ala! Apa ero' battu nugaukang ri kambe? Ero' mako battu ansessai kambe, manna tanarapikapa wattunna?”

PAMMILANGNGANG 5:15

Lalang ruaya anjo passala', anjo bura'nea musti naerangi bainenna mange ri imanga. Musti angngerang tongi passare niparalluanga, iamintu sikilo labu' gandung. Anjo labuka takkulleai nitiriki minynya' zaitun yareka takkulleai nisarei dupa, lanri anjo passarea iamintu lanri bata-bata siagang a'jari pammatei angkanaya nia' bata-batana tu bura'nea mae ri bainenna.

1 KARAENG-KARAENG 12:22

Mingka nisuromi Na'bi Semaya ri Allata'ala,

1 KARAENG-KARAENG 17:17

Siapa are wattu ribokoanganna, tu'guru' garrimmi anjo ana'na jandaya. Pila' sallo pila' sanna'mi garrinna sa'genna mate.

1 KARAENG-KARAENG 17:19

Appialimi Elia angkana, “Erangi anjo anaka mae.” Nampa naallemo Elia anjo ana' bura'nea battu ri amma'na, nampa naerang nai' ri kamara' ratea, iamintu kamara' napannumpangia Elia. Napatinromi Elia anjo anaka rate ri katinroanga,

1 KARAENG-KARAENG 20:28

Nampa nia'mo sitau na'bi battu mae ri Karaeng Ahab siagang angkana, “Iaminne Nakananga Batara: ‘Lanri anjo tu Siria nakanangi ri daera pa'moncongangi bawang jari kakoasangKu na tena ri lappara' rawaya, laKusareko pammetang mae ri anjo tantarana ke'nanga, sannaka ta'liwa'na jaina. Ikau siagang ra'ya'nu lanuassengi angkanaya iNakkemi Batara.’ ”

PA'JARIANG 44:16

Appialimi Yehuda angkana, “Apa akkulle nagaukang ikambe karaeng? Antekamma batena ikambe akkulle assassala' yareka ampattojengi kalenna ikambe? Nasungkemi Allata'ala kasalanna ikambe. Kamma-kamma anne ikambe anne a'jari ata ngaseng maki' mae ri katte, karaeng; teai ri ia bawang kipanggappaya anjo cangkiri' peraka.”

HAKING-HAKING 13:6

Le'baki anjo mangemi bainenna Manoah ri bura'nenna na nakana, “Daeng, nia' suroNa Allata'ala mae ri nakke, kammai tanja'na malaeka'Na Allata'ala, sa'gengku malla' dudumo. Tena nakupakkuta'nangang angkana battu kemaei. Na tena todong napauanga' arenna.

2 KARAENG-KARAENG 1:9

Nampa nasuromo se're perwira tantara siagang limampulo ana' buana a'lampa mange anjakkalaki Elia. A'lampami anjo perwiraya, nanagappamo Elia sitabang ammempo rate ri se'reang bonto. Nakanamo anjo perwiraya, “He, atanNa Allata'ala, naparentakangko karaeng naung!”