1 KARAENG-KARAENG 16:19 - KITTA' MATANGKASA'

¹⁹ Anjo kajariangi lanri nagaukanna apa-apa ja'dalaka ri dallekanNa Batara. Sangkamma Karaeng Yerobeam, Zimri doraka tongi ri Batara, siagang a'jari passabakkang nadoraka todong umma' Israel.

1 KARAENG-KARAENG 16:19 Referans Kwoze

1 KARAENG-KARAENG 15:26

Sangkamma manggena, ammarentayana rioloanganna, ja'dala' tommi panggaukanna ri dallekanNa Batara, sa'genna dorakamo tu Israel.

1 KARAENG-KARAENG 15:34

Sangkamma siagang Karaeng Yerobeam ammarentaya rioloanganna, Karaeng Baesa doraka tongi ri Batara siagang a'jari passabakkang nadoraka todong tu Israel.

1 KARAENG-KARAENG 14:16

Lanibokoi Israel ri Batara lanri dorakanamo Yerobeam siagang a'jaria passabakkang nadoraka todong tu Israel.”

1 KARAENG-KARAENG 12:28

Le'ba'na napikki'-pikkiri' anjo passalaka, appare'mi rua patung sapi bulaeng, nampa nakana mae ri ra'yaka, “Bansa Israel! Sallo mako tuli a'lampa mange ri Yerusalem untu' assambayang. Kamma-kamma anne, iaminne rewata-rewatanu, ia le'baka angngantarakko assulu' battu ri Mesir.”

PAMMUJI 9:16

Bansa-bansa tenaya naassengKi' tu'guru' antama' ri kali'bong nakekea kalenna ke'nanga; nialle ri sikko' napare' kalenna ke'nanga.

1 KARAENG-KARAENG 16:13

Baesa siagang Ela, ana'na, anynyombai rewata-rewata, siagang a'jari passabakkangi nadoraka tu Israel. Lanri kammana anjo, napakabattumi ke'nanga larroNa Batara, Allata'ala Ia mustia nasomba tu Israel.

1 KARAENG-KARAENG 15:30

Dorakai Yerobeam siagang iami passabakkang nadoraka tommo tu Israel. Lanri kammana anjo napakanassumi Yerobeam Batara, Ia nasombaya tu Israel.

1 KARAENG-KARAENG 16:26

Sangkamma Yerobeam, doraka tommi Omri siagang a'jari passabakkang nadoraka tommo tu Israel siagang anynyomba tommi ke'nanga ri rewataya. Lanri kammana anjo na napakabattumo ke'nanga larroNa Batara, Allata'ala Ia mustia nasomba tu Israel.