1 KARAENG-KARAENG 16:16 - KITTA' MATANGKASA'

¹⁶ Nalangngere'na ke'nanga angkanaya sikongkolo'mi Zimri siagang le'ba'mi nabuno karaenga, ia memang anjo alloa ri kemana ke'nanga, naangka'mi ke'nanga Omri, iamintu panglimana ke'nanga, a'jari karaeng Israel.

1 KARAENG-KARAENG 16:16 Referans Kwoze

MIKHA 6:16

Yangasenna anjo kammaya kajariangi lanri nuturukinna panggaukang-panggaukang ja'dala'na Karaeng Omri siagang ana'na, iamintu Karaeng Ahab. Nupinawangi cara-carana ke'nanga. Lanri kammana anjo laKuancuru' ngasengko, siagang lanicau-cauko kammayatompa lanihinako ri sikontu bansaya.”

2 PATTOTTORANG 22:2

Ri wattunna a'jari Karaeng Ahazia, 22 taung umuru'na, siagang ammarentai sitaung sallona ri Yerusalem. Kamma tongi kaluargana Karaeng Ahab batena appanggaukang anjo Ahazia lalang tallasa'na, lanri niajaraki ri amma'na niarenga Atalya, untu' anggaukangi kaja'dallanga. Atalya iamintu ana' bainena Karaeng Ahab, cucunna Omri karaeng Israel.

2 KARAENG-KARAENG 8:26

Anjo wattua 22 taung umuru'na Ahazia, na sitaungi ammarenta ri Yerusalem. Amma'na niarengi Atalya, ana'na Karaeng Ahab, cucunna Omri karaeng Israel.

1 KARAENG-KARAENG 16:30

Nagaukammi dosa-dosa lompoanganga ri dallekanna Batara nadosa nagaukanga karaeng-karaeng ammarentaya rioloangannaya.

1 KARAENG-KARAENG 16:15

Ri taung makaruampulona antuju pamarentahanna Karaeng Asa ri Yehuda, Zimri a'jari karaeng ri Israel naammarenta ri Tirza tuju allo sallona. Anjo wattua sitabangi tantara Israel nakurung Gibeton, kota tu Filistin.

1 KARAENG-KARAENG 16:17

Nampa Omri siagang pasukanna nabokoimi Gibeton nampa a'lampa mange angkurungi Tirza.

1 KARAENG-KARAENG 15:27

Baesa, ana'na Ahia, battu ri suku Isakhar, assikongkoloki angngewai Nadab, nampa nabuno. Anjo wattua Nadab siagang pasukanna sitabangi nakurung kota Gibeton ri daerana Filistin.