1 KARAENG-KARAENG 16:10 - KITTA' MATANGKASA'

¹⁰ Nampa antama'mo Zimri ambunoi Ela; nampa a'jari karaemmo ansambeangi Ela. Anjo kajariangi ri taung makaruampulona antuju wattu pamarentahanna Karaeng Asa ri Yehuda.

1 KARAENG-KARAENG 16:10 Referans Kwoze

2 KARAENG-KARAENG 9:31

Ri wattunna antama' Yehu battu ri pakke'bu' lompoa, a'gorami Izebel angkana, “Hoe, Zimri, pabuno-buno! Apa ero'nu battu mae anrinni?”

1 KARAENG-KARAENG 16:9

Zimri, sitau perwira a'jari komandanga ri bage ruana pasukang karetaya, assikongkoloki angngewai Ela. Ri se'reang allo ri Tirza, angnginung-nginungi Ela sa'genna nasa'ring ri balla'na Arza, kapala ruma tanggana balla' kakaraenganga.

1 KARAENG-KARAENG 16:11

Tasalloai a'jari karaennamo Zimri, nabuno ngasemmi sikontu kaluargana Baesa. Ba'lalo sikontu bija-bijanna Baesa bura'nea kammayatompa agang-aganna kaluargana tena todong ta'lappasa'.

1 KARAENG-KARAENG 15:27

Baesa, ana'na Ahia, battu ri suku Isakhar, assikongkoloki angngewai Nadab, nampa nabuno. Anjo wattua Nadab siagang pasukanna sitabangi nakurung kota Gibeton ri daerana Filistin.

1 KARAENG-KARAENG 16:15

Ri taung makaruampulona antuju pamarentahanna Karaeng Asa ri Yehuda, Zimri a'jari karaeng ri Israel naammarenta ri Tirza tuju allo sallona. Anjo wattua sitabangi tantara Israel nakurung Gibeton, kota tu Filistin.

2 KARAENG-KARAENG 15:10

Salum ana'na Yabesh assikongkoloki angngewai Karaeng Zakharia, nampa nabuno Karaeng Zakharia ri Yibleam, nampa nasambeang a'jari karaeng.