1 KARAENG-KARAENG 15:17 - KITTA' MATANGKASA'

¹⁷ Baesa nabunduki Yehuda nampa nakassakki kota Rama untu' antongkoki agang assuluka mange ri Yehuda.

1 KARAENG-KARAENG 15:17 Referans Kwoze

YOSUA 18:25

Kammayatompa anne sampuloa angngappa' kota siagang sikamma desa-desa niaka ri tammulilina, iamintu: Gibeon, Rama, Beerot, Mizpa, Kefira, Moza, Rekem, Yirpeel, Tarala, Zela, Elef, Yebus (iamintu Yerusalem), Gibea siagang Kiryat-Yearim. Iaminjo sikamma butta nipassareanga mae ri kaluarga niaka lalang ri suku Benyamin, untu' a'jari pisakana ke'nanga.

YEREMIA 31:15

Nakana Batara, “Ri Rama nia' kalangngerang sa'ra karru', siagang kunrareng napakamma pacce. Rahel angkarruki ana'-ana'na, taerokai nisaleori lanri tena ngasemmi ke'nanga.

1 KARAENG-KARAENG 15:27

Baesa, ana'na Ahia, battu ri suku Isakhar, assikongkoloki angngewai Nadab, nampa nabuno. Anjo wattua Nadab siagang pasukanna sitabangi nakurung kota Gibeton ri daerana Filistin.

1 SAMUEL 15:34

Le'baki anjo a'lampami Samuel mange ri Rama, nampa Saul ammotere'mi mange ri balla'na ri Gibea.

1 KARAENG-KARAENG 12:26

Appikkiri' kammaminne lalang ri atinna, “Punna tuli a'lampa ra'yaka mange ri Yerusalem untu' assare koro'bang ri Balla'Na Batara sangkamma nagaukanga ri kamma-kammaya anne, lammotereki sallang amminawang ri Rehabeam, karaeng Yehuda, nampa nabunoa'.”

YEREMIA 41:9

Anjo bungunga iamintu bungung lompo napare' Karaeng Asa ri wattunna nibunduki ri Baesa karaeng Israel.