1 KARAENG-KARAENG 15:12 - KITTA' MATANGKASA'

¹² Sikontu baine pasundalaka niaka tugasa' ri tampa'-tampa' panynyombang rewataya napakabella ngasengi, siagang sikontu barhalaya nibangunga ri karaeng-karaeng ammarentaya riolonganna napattaena ngasengi ri sikontu pa'rasanganga.

1 KARAENG-KARAENG 15:12 Referans Kwoze

YUDAS 1:7

U'rangi tongi kota Sodom siagang Gomora kammayatompa kota-kota niaka ri ampi'na, appanggaukang kammaya todong anjo sikamma malaekaka tuma'buttana. Nagaukangi ke'nanga nikanaya gau' bawang siagang gau' bambalaka; sa'genna nisessa ke'nanga siagang pepe' a'rinraya satunggu-tungguna, untu' a'jari pappakainga' mae ri sikontu rupataua.

1 PETRUS 1:18

Nuassengi apa le'baka nipa'bayarrang untu' kalappassannu battu ri katallassang tenaya matu-matunna nasossoranga boe-boenu mae ri kau. Ia pa'bayara'na teai apa-apa akkullea panra' sangkamma peraka yareka bulaenga,

1 KARAENG-KARAENG 15:3

Sangkamma manggena, Abiam jai dosa nagaukang. Tena natulusu' majarre' pa'mai'na mae ri Karaeng Allata'alana, tasangkammayai siagang Daud, boe-boena.

PAOLE 23:17

Se'rea tu Israel, baji' bura'ne kammayatompa baine, takkulleai a'jari pagau' bawang ri balla'-balla' panynyombanga.

1 KARAENG-KARAENG 21:26

Ahab nagaukangi dosa-dosa sannaka hinana: anynyombai barhala sangkamma nagaukanga tu Amori, iamintu tau le'baka nibongka ri Batara assulu' battu ri pa'rasangang Kanaan ri wattunna napantamakki Israel anjo pa'rasanganga.

2 KARAENG-KARAENG 23:7

Sikontu kamaraka lalang ri Balla'Na Batara le'baka napake baine pasundala'na balla'-balla' panynyombanga untu' anggaukangi gau' salana salaku panynyomba mae ri rewataya, niputta kabusuki. (Lalang ri anjo kamaraka napakei tubai'-bainea attannung kaeng untu' nipake anynyomba mae ri Dewi Asyera.)