1 KARAENG-KARAENG 14:7 - KITTA' MATANGKASA'

⁷ Ammotere' mako nanupauang Yerobeam angkanaya iaminne Napaua Batara, Allata'alana Israel, ‘Le'ba' mako Kupile battu ri alla'na ra'yaka siagang Kupa'jariko tau koasa ri ummakKu Israel.

1 KARAENG-KARAENG 14:7 Referans Kwoze

1 KARAENG-KARAENG 16:2

‘Riolo teaiko apa-apa, mingka Kuangkakko a'jari pamimping ri ummakKu Israel. Kamma-kamma anne doraka mako sangkamma Yerobeam siagang ikaumi passabakkang nadoraka ummakKu Israel, sa'genna nupakabattu larroKu.

1 KARAENG-KARAENG 12:24

angkanaya, “Teako bunduki anjo sari'battannu Israel. Ammotere' mako! Anjo apa le'baka kajariang, anjo erokKu.” Jari naturukimi ke'nanga parentaNa Batara, nampa massing ammotere'mo ke'nanga mae ri balla'na.

1 SAMUEL 15:16

Nalangngere'na anjo nakanamo Samuel, “Tayangi sinampe', lakupauangki' apa Napaua Allata'ala mae ri nakke ri bangngia.” Nakanamo Saul, “Kipaumi.”

1 KARAENG-KARAENG 11:28

anjama tongi Yerobeam anjoreng. Ri wattunna nacini' Salomo angkanaya cara'deki siagang rajengi anjo Yerobeam anjama, nasaremi tanggong jawa' untu' angngawasi tunjama nipassaya ri daera suku Manasye siagang Efraim.

1 KARAENG-KARAENG 14:6

Mingka kamma nalangngere'na Na'bi Ahia sa'ra bangkenna ri pakke'buka, nakanamo, “Antamakko mae, kuassengi angkana bainennako Yerobeam. Tea' mako assara-sarai. Nia' kabara' kodi untu' ikau.

HOSEA 13:11

LarroA' naKusareko karaeng, nampa lanri sanna' nassuKu naKupasinta' ke'nanga ammotere'.”

1 KARAENG-KARAENG 11:35

Anne kakaraenganga laKuallei battu ri ana' bura'nena Salomo sampulo suku nampa Kupassareang mae ri kau.

1 KARAENG-KARAENG 11:37

Nampa ikau Yerobeam, laKupa'jariko karaeng ri Israel siagang laKupa'biangko ammarenta ri sikontu daera nukaerokia.

1 KARAENG-KARAENG 13:34

Passabakkang iaminjo panggaukang ja'dala'na nacilakamo siagang ancuru' taba sikali turunganna.