1 KARAENG-KARAENG 14:6 - KITTA' MATANGKASA'

⁶ Mingka kamma nalangngere'na Na'bi Ahia sa'ra bangkenna ri pakke'buka, nakanamo, “Antamakko mae, kuassengi angkana bainennako Yerobeam. Tea' mako assara-sarai. Nia' kabara' kodi untu' ikau.

1 KARAENG-KARAENG 14:6 Referans Kwoze

IBRANI 4:13

Tenanniakka manna sirupa apa-apa attallasa' lakacokkoang ri paccini'Na Allata'ala. Sikontu-kontuna lakacinikang ngasengi siagang latassungke ngasengi ri dallekanNa. Siagang musti latanggong-jawa' ngaseng maki' mae ri Ia.

MARKUS 14:21

Lamate memang tojenji Ana' Ma'rupataua sangkamma niaka tattulisi' lalang ri Kittaka. Mingka teai sipato' cilakana tau ampasikongkolangai Ana' Ma'rupataua! Bajikangangi ka'de' tena sikali nale'ba' nianakkang anjo taua!”

PAMMUJI 33:10

Napassalasai Batara rancanana bansa-bansaya, Napattaenai apa nakaerokia ke'nanga.

1 KARAENG-KARAENG 22:8

Appialimi Ahab angkana, “Nia' ija se're, Mikha ana'na Yimla. Mingka birisika' ri ia, nasaba' tena le'bakai natappuanga' apa-apa baji'; tuli apa kodia.” Appialimi Yosafat angkana, “Teako akkana kammai!”

1 KARAENG-KARAENG 20:42

Jari nakanamo anjo na'bia ri karaenga, “Iaminne Nakananga Batara: ‘Tau Kuparentakanga Kusuro buno nulappassammi attallasa'. Lanri kammana anjo musti mateko a'jari sambenna. Tantaranu laancuruki lanri nalappassanna lari tantara musua.’ ”

1 KARAENG-KARAENG 14:5

Mingka nipauammi ri Batara angkanaya niaki bainenna Yerobeam labattu untu' ampakkuta'nangngangi ana'na garringa. Siagang nipauang tommi ri Batara angkanaya apa musti lanakana sinampe'. Ri wattunna battu bainenna Yerobeam mange anjoreng, a'gio'-gio' kammami tau maraeng.

1 KARAENG-KARAENG 14:2

Nakanamo Yerobeam ri bainenna, “Sadia-sadiako untu' a'lampa mange ri Silo ri balla'na Na'bi Ahia, angkanaya riolo la'jari karaenga' ri Israel. Mingka ammakeang palusukko sollanna tena naassengko taua.

1 SAMUEL 28:18

Ikau nubaliammi parentaNa Batara siagang tena nanuero' angngancuruki tu Amalek kammayatompa sikontu barang-baranna ke'nanga. Iaminjo saba'na nanipakammako anne ri Batara ri kamma-kammaya anne.

1 SAMUEL 15:26

Mingka appialimi Samuel angkana, “Tena kuero' ammotere' siagang ikatte. Kiewami parentaNa Batara, na kamma-kamma anne tenamo Naakuiki' salaku karaenna Israel.”

1 SAMUEL 15:16

Nalangngere'na anjo nakanamo Samuel, “Tayangi sinampe', lakupauangki' apa Napaua Allata'ala mae ri nakke ri bangngia.” Nakanamo Saul, “Kipaumi.”

1 KARAENG-KARAENG 14:7

Ammotere' mako nanupauang Yerobeam angkanaya iaminne Napaua Batara, Allata'alana Israel, ‘Le'ba' mako Kupile battu ri alla'na ra'yaka siagang Kupa'jariko tau koasa ri ummakKu Israel.

PANGNGEBARANG 21:30

Tena kaporeang, tarang pikkirang, siagang kacara'dekang akkulle attahang ri dallekanNa Batara.