1 KARAENG-KARAENG 14:4 - KITTA' MATANGKASA'

⁴ Jari a'lampami bainenna Yerobeam mange ri balla'na Na'bi Ahia ri Silo. Anjo na'bia takkulleami accini' lanri sanna'mi toana.

1 KARAENG-KARAENG 14:4 Referans Kwoze

1 KARAENG-KARAENG 11:29

Ri se'reang allo assulukangi Yerobeam battu ri Yerusalem. Ri tangngana aganga iamintu ri paranga, nibattuimi ri Na'bi Ahia battu ri Silo ammakea juba beru anjo wattua.

1 SAMUEL 4:15

Na anjo Eli salapangpulomi assagantuju taung umuru'na, siagang a'birimmi buta.

1 SAMUEL 3:2

Ri se'reang bangngi, Eli ia sannakamo toana siagang la'biringamo buta, sitabangi attinro ri kamara'na.

KATO'BA 12:3

Annekkereki limannu, takkulleami anjagaiko. Bangkeng kassa'nu lalammami, tena kagassinganna. Tagannakami giginnu untu' akka'lero kanre. Tabajikami paccini'na matannu sa'genna appakamalla' nicini'.

PAMMUJI 90:10

Wattu tallasa'na ikambe poro tujupulo taunji bawang, punna gassing ikambe, sagantujupulo taung. Mingka kasukkarrang siagang kapa'risang bawang nagappa ikambe; le'baki attallasa' poro sinampe', allanynya'mi ikambe.

1 KARAENG-KARAENG 14:2

Nakanamo Yerobeam ri bainenna, “Sadia-sadiako untu' a'lampa mange ri Silo ri balla'na Na'bi Ahia, angkanaya riolo la'jari karaenga' ri Israel. Mingka ammakeang palusukko sollanna tena naassengko taua.

YOSUA 18:1

Le'baki nabeta tu Israel anjo pa'rasangang Napa'janjianga Batara, asse'remi ke'nanga ri Silo, nampa nabangung ke'nanga Kema KahaderanNa Batara.

PAOLE 34:7

Sibilangngang anruampulo taung umuru'na Musa namate. Tena nakurang kagassinganna siagang baji' iji paccini'na.

PA'JARIANG 48:10

Tena nakkulle accini' baji' Yakub lanri toami siagang tabajikami paccini'na matanna. Napa'reppese'mi Yusuf anjo ana'-ana'na mae ri Yakub. Nampa naraka' siagang nabau Yakub anjo ke'nanga.

PA'JARIANG 27:1

Ri se'reang allo, ri wattu toanamo Ishak siagang buta tommi pole, nakio'mi Esau, ana'na toaya, nampa nakana ri ia, “Ana'!” Appialimi Esau angkana, “Iye', bapa'.”