1 KARAENG-KARAENG 14:21 - KITTA' MATANGKASA'

²¹ Ri wattunna Rehabeam, ana'na Salomo, a'jari Karaeng Yehuda, umuru'na patampulo asse're taung. Sampuloi antuju taung sallona ammarenta ri Yerusalem. Battu ri sikontu Israel anjo kotaya Napa'jari tangkasa'mi Batara a'jari tampa' passambayangang mae ri Ia. Amma'na Rehabeam iamintu Naama, battu bansa Amon.

1 KARAENG-KARAENG 14:21 Referans Kwoze

2 PATTOTTORANG 12:13

Anjorengi ri Yerusalem Rehabeam ammarenta, siagang pila' lompoi kakoasanna. Wattuna a'jari karaeng 41 taung umuru'na, siagang 17 taung sallona ammarenta ri Yerusalem, iamintu kota Napilea Batara battu ri alla'na sikontu daera Israel untu' a'jari tampa' panynyombang mae ri KalenNa. Amma'na Rehabeam iamintu Naama battua ri pa'rasangang Amon.

1 KARAENG-KARAENG 11:36

Mingka se're suku laKulappassangi ri ia, sollanna tuli nia' sitau battu ri turunganna atangKu Daud ammarenta untu' iNakke ri Yerusalem, kota le'baka Kupile a'jari tampa' passambayangang mae ri Nakke.

1 KARAENG-KARAENG 14:31

Nampa matemo Rehabeam siagang nitarawang ri jera'na sikamma karaenga ri Kota Daud. Abiam, iamintu ana' bura'nena, ansambeangi a'jari karaeng.

YESAYA 12:6

Akkio' rannuko he pandudu'na Sion, akkelongko siagang rannu. Allata'ala matangkasa'na Israel, sanna' la'biri'na, ammantangi ri tangnga-tangnganu ngaseng.”

2 PATTOTTORANG 13:7

Appasse'rei sipa'gompoang tau kurangajara' nampa ero' napassakang ero'na mae ri Rehabeam ana' bura'nena Salomo, rungka dudua anjo wattua siagang tenayapa pangalamanna untu' angngewa.

1 KARAENG-KARAENG 11:43

Nampa mate siagang nitarawang ri Kota Daud. Nampa Rehabeam ana'na ansambeangi a'jari karaeng.

1 KARAENG-KARAENG 11:32

Se're suku lammantang ri Salomo, lanri atangKu Daud, siagang lanri Yerusalem, ia le'baka Kupile battu ri sikontu pa'rasangang Israel a'jari kotaKu.

1 KARAENG-KARAENG 8:44

Punna Kiparentakangi ummatTa untu' a'lampa mange a'bundu' angngewai musua, nampa manna pole kemae ke'nanga, nandallekang mae ri kota nipilea anne siagang appala' doang a'dalle' mae anrinni ri anne balla' le'baka kubangung untu' iKatte,

PAOLE 23:3

Tu Amon siagang tu Moab kammayatompa jari-jarina ke'nanga sa'genna makasampuloa lapisi', takkulleai a'jari anggota umma'Na Batara,

PAOLE 12:21

Punna bella dudu battu ri tampa'nu anjo tampa' Napilea Karaeng Allata'alanu, akkulleko ammolong sapi sikayu, yareka gimbala', yareka bembe Napassareanga Batara mae ri kau, siagang nukanre dagenna ri tampa'nu sipangngaina nyawanu, sangkamma le'baka kupau mae ri kau.

PAOLE 12:5

Ri sikontu daerana suku-suku Israel, ammilei Karaeng Allata'alanu se're tampa' sollanna akkulle bansata battu mange ri dallekanNa siagang anynyomba ri Ia.

KALAPPASSANG 20:24

Apparekko untu' iNakke se're tampa' pakkoro'bangngang battu ri butta, nampa assare mako anjoreng gimbala' siagang sapi untu' koro'bang tunuang siagang koro'bang untu' passiamakkang. Ri tunggala' tampa' Kupattantua mae ri kau untu' a'jari tampa' ibadanu mae ri Nakke, labattuA' mae ri kau siagang laKubarakkakiko.

1 KARAENG-KARAENG 14:20

Ruampulo anrua taung sallona ammarenta Yerobeam salaku karaeng, nampa mate na nitarawang. Ana'na niarenga Nadab ansambeangi a'jari karaeng.

1 KARAENG-KARAENG 8:29

Poro allo bangngi Kila'langngi anne ballaka, le'baka Kipile a'jari tampa' passambayangang mae ri Katte. Poro battu ri pammantanganTa ri suruga Kipilangngeri siagang Kipammopporanga' siagang ummatTa, punna battu ikambe ri anne ballaka untu' appala' doang ri Katte.

1 KARAENG-KARAENG 11:1

Karaeng Salomo jai baine battu pantara' nangai. Pantaranganna ana' bainena karaeng Mesir, a'nikka tongi Salomo siagang baine-baine battua ri Het, Moab, Amon, Edom, siagang Sidon.

1 KARAENG-KARAENG 12:17

na'jari karaemmo Rehabeam poro ri daera Yehuda bawang.

1 KARAENG-KARAENG 22:42

Anjo wattua umuru'na tallumpulo allima taung. Ammarentai ri Yerusalem ruampulo allima taung sallona. Amma'na iamintu Azuba ana'na Silhi.

2 PATTOTTORANG 12:1

Ri wattunna jarre'mo empoanna Rehabeam a'jari karaeng, ia siagang sikontu ra'ya' Israel tanajampangiami hukkunNa Batara,