1 KARAENG-KARAENG 13:6 - KITTA' MATANGKASA'

⁶ Nampa nakanamo Karaeng Yerobeam ri anjo na'bia, “Tulunga' nuppala' doang mae ri Karaeng Allata'alanu untu' inakke. Palaki pangngamaseanNa sollanna Napakabaji' limangku!” Appala' doammi anjo na'bia ri Batara, nampa baji'mo limanna karaenga.

1 KARAENG-KARAENG 13:6 Referans Kwoze

LAMPA-LAMPANA 8:24

Nakanamo Simon mae ri Petrus siagang Yohanes, “Tulunga', nakipala' ri Batara sollanna tena lalo manna sirupa kajariang mae ri nakke, anjo apa kipaua.”

KALAPPASSANG 10:17

Kamma-kamma anne pammopporangi dosaku, siagang appala' doang mako mae ri Karaeng Allata'alanu, sollanna Naalle battu ri nakke anne hukkungang ammunoa tau.”

KALAPPASSANG 9:28

Appala' doang mako mae ri Batara; ganna'mi kasessanna ikambe lanri anne gunturuka siagang bosi eska. Lakulappassang mako a'lampa. Tea' mako ammantangngi pole anrinni.”

KALAPPASSANG 8:8

Nakio'mi Karaenga Musa siagang Harun nampa nakana, “Appala' doang mako mae ri Batara sollanna Napa'lanynya' anne sikamma tumpanga, nampa kulappassang a'lampa bansanu untu' mange assare koro'bang mae ri Batara.”

PAMMILANGNGANG 21:7

Nampa battumo anjo bansaya andallekang ri Musa angkana, “Dorakami ikambe lanri a'moro-morona mae ri Batara siagang mae ri kau. Appala' doang mako mae ri Batara sollanna nipakabella anne sikamma ularaka battu ri kambe.” Jari appala' doammi Musa untu' anjo bansaya.

KALAPPASSANG 8:28

Nakanamo karaenga, “Baji'mi, kulappassangko a'lampa mange ri parang lompoa untu' assare koro'bang mae ri Batara, Allata'alanu, assala' tenaja nu'lampa bella. U'rangi, na nupappala' doanganga'!”

PAPPICINI' 3:9

U'rangi anne: Anjo tau a'jaria umma'na Billisika, paballe-balle nakanaya kalenna tu Yahudi, na sikontutojenna teai, laKupakkulantuki assu'ju' ri dallekannu ngaseng. Nalanaasseng ke'nanga angkanaya Kukamaseang ngasengko.

ROMA 12:21

Teako pa'biangi kalennu nibeta ri kaja'dallanga, passangalinna musti nubetai anjo kaja'dallanga siagang panggaukang baji'.

ROMA 12:14

Pappalakkangi barakka' mae ri Allata'ala tau pallaka panggaukanna mae ri kau. Pappalakkangi barakka', tea' laloko sarei kana-kana pattunra.

LAMPA-LAMPANA 7:60

Nampa akkulantu' siagang ammarrang lompo, nakana, “O Batara, teaKi' patanggongiangi anne dosaya mae ri ke'nanga.” Le'baki akkana kamma, matemi Stefanus.

LUKAS 23:34

Appala' doammi Isa Nakana, “O Bapa', pammopporangi anne ke'nanga; nasaba' tanaassengai angkanaya apa anne nagaukanga ke'nanga.” Nalotereimi ke'nanga pakeanNa Isa ero' nabage-bage.

MATIUS 5:44

Mingka anne kamma Kukana ri kau ngaseng: kamaseangi sikontu balinnu siagang pappala' doangangi tau assessayako,

YEREMIA 37:3

Karaeng Zedekia nakiringi Yukhal ana'na Selemya, siagang Imang Zefanya ana'na Maaseya untu' battu ampalaki ri nakke sollanna kuappala' doang mae ri Karaeng Allata'ala untu' kasalamakkanna bansaya.

1 SAMUEL 12:23

Na ri passala'na inakke, tapporo tena lalo kudoraka ri Batara lanri tenana kupappala' doangangko. Mingka tuli lakupangngajarrangi mae ri kau apa-apa bajika siagang tojenga.

1 SAMUEL 12:19

Nakanamo ke'nanga mae ri Samuel, “Tulungi ikambe bapa'. Kipappala' doangangi ikambe anne mae ri Karaeng Allata'alanu, sollanna tamatea ikambe. Kamma-kamma anne sadara'mi ikambe angkanaya pantaranganna dosana ikambe riolo, dorakami pole ikambe lanri appala'na ikambe sitau karaeng.”

PAMMILANGNGANG 12:13

Jari ammarrammi Musa mae ri Batara, angkana, “O, Allata'ala, kupalaki, sollanna Kipammollei ammotere' battu ri garrinna!”

KALAPPASSANG 12:32

Erang ngasemmi sikontu sapinu, gimbala'nu, siagang bembenu, siagang a'lampamako! Nampa pappalakkang tonga' barakka'.”

1 KARAENG-KARAENG 13:5

Ti'ring rumbammi silalonna anjo tampa' pakkoro'bangnganga siagang tattumpami auna naung ri buttaya, sangkamma le'baka napau anjo na'bia lanri parentaNa Batara.

PAMMUJI 119:58

Sibatu pa'maikku appala' pangngamaseanTa Kikamaseang laloa' situru' janjinTa.

ZAKHARIA 7:2

Le'ba'mi nasuro pandudu'na Betel iamintu Sarezer siagang Regem-Melekh kammayatompa ana' buana ke'nanga mange ri Balla'Na Batara Kaminang Koasaya untu' appala' barakka'Na.

KALAPPASSANG 8:4

Anjo tumpanga la'lumpaki siagang lanaambikko, siagang sikontu pagawea kammayatompa ra'yaka.”