1 KARAENG-KARAENG 13:18 - KITTA' MATANGKASA'

¹⁸ Jari a'balle-ballemi anjo na'bi toa battua ri Betel angkana ri ia, “Inakke na'bi tonja' sangkamma ikatte. Lanri parentaNa todong Batara na Nasuro malaeka'Na ampauanga' sollanna kubuntuliki' siagang kutoanaki' ri ballakku.”

1 KARAENG-KARAENG 13:18 Referans Kwoze

1 YOHANES 4:1

Sikamma sari'battangku sannaka kukarimangnginna! Teako patappa' ngasengi tau nakanaya niaki RohNa Allata'ala ri kalenna; mingka pilajari rolong baji'-baji' sollanna akkulle nuasseng angkanaya roh battu kemae anjo niaka ri ke'nanga: Roh battuka ri Allata'ala yareka teai. Nasaba' kamma-kamma anne jai na'bi balle-balle a'jappa mange-mange.

MATIUS 7:15

“Tutuko mae ri na'bi-na'bi palassua. Sanrapangi nicini' gimbala' ke'nanga, mingka sikontutojenna sanrapangi kongkong nye'nyereka lalang nyawana ke'nanga.

2 PETRUS 2:1

Ri wattu allaloa nia' na'bi-na'bi takontutojeng ammumba ri alla'na Umma'Na Allata'ala. Kamma tomminjo lania' todong guru-guru takontutojeng ammumba ri tangnga-tangnganu. Lanapantamaki ajarang-ajarang salaya, ampanrakiai taua. Siagang lanasassali ke'nanga Karaeng Makoasa le'baka angkoro'bangkangi kalenna sollanna nakkulle a'jari bebasa' ke'nanga. Lalang kammana napabattumi kapanrakanga mae ri kalenna ke'nanga, labattua linta' antujui ke'nanga.

PAMMILANGNGANG 22:35

Mingka nakanamo malaeka'Na Batara, “Amminawangko ri nakke siagang sikamma anjo taua. Mingka iaji bawang akkulle nupau apa kusuro paua.” Jari napannarrusu'mi jappana Bileam siagang anjo sikamma tunasuroa Balak.

2 KORINTUS 11:3

Mingka ranggaselai pa'maikku, gassingka nigodai pikkirannu sa'genna tenamo nujarre' ri janjinnu mae ri Almasi. Sangkamma todong Hawa riolo, nigoda tongi ri kacara'dekanna ularaka.

ROMA 16:18

Nasaba' anjo tau kammaya ngaseng panggaukanna, teai untu' Batarata Isa napanjama-jamang, passangalinna untu' napasu kalenna ke'nanga ero' napasukku'. Natipui tau tenaya nangngasseng apa-apa siagang kana-kana sanna' baji'na.

YEHEZKIEL 13:22

Tau bajika tenaya naero' Kuapa-apai, nupakaca'di nyawana lanri balle-ballenu. Tau ja'dalaka nupakalompoi nyawana sollanna tuli doraka siagang tena nipasalamaki ke'nanga.

YEREMIA 23:32

INakke, Batara, langngewai na'bi-na'bi ampabattuai so'na-so'nana a'balle-ballea kabusu'. Napa'lingui ummakKu lanri balle-ballena siagang carita kosonna ke'nanga. Tena naKusuroi anjo na'bi-na'bi kammaya. Tena sikali matu-matunna ke'nanga mae ri ummakKu. INakke, Batara, anne akkana.”

YEREMIA 23:17

Mae ri sikamma tau taeroka ampilangngeri kana-kanangKu, tuli nakana ke'nanga, ‘Lasalamakko.’ Nampa mae ri sikamma tau kapala batua, nakana ke'nanga, ‘Tena nulanggappa bala.’ ”

YEREMIA 5:31

a'balle-ballei na'bi-na'bia, sikamma imanga allayani situru' ri ero' pa'mai' kalenna na ikau ummakKu nungai anjo kammaya. Mingka apa lanugaukang punna battu allo kala'busanga?”

YEREMIA 5:12

Umma'Na Batara teai kana tojenga napau ri passala'na Batara. Nakana ke'nanga, “Ah, tena Nalappanggaukang apa-apa. Tena nalanatujuki' bala siagang tena todong nalanikasia' bunduka siagang kacipuranga.

YESAYA 9:15

Sikamma pamimpinna anjo bansaya napasala oloammi siagang napa'jari lingumi ra'yaka.

PAPPICINI' 19:20

Nijakkala'mi anjo olo'-oloka siagang sikontu na'bi takontutojenga, iamintu le'baka appare' panggaukang appakalannasa' ri dallekanna anjo olo'-oloka. (Iaminjo gau'-gau' appakalannasaka napake anjo olo'-oloka antipui anjo tau le'baka ngaseng nabatei anjo olo'-oloka, siagang anjo tau anynyombaya mae ri patunga.) Nampa nipela' attallasa' anjo olo'-oloka siagang na'bi balle-ballea antama' ri tamparang pepe' a'rinra-rinraya siagang bara.

MATIUS 24:24

Nasaba' lania' sallang battu siapa are tumappasalama' patipu, siagang na'bi-na'bi patipu. Lanappicinikangi ke'nanga gau'-gau' teai sipatoka lompona siagang appakalanna'-lannasaka, sollanna akkulle, manna umma'Na Allata'ala lanatipu todong.

YEREMIA 23:14

Mingka Kuciniki ri Yerusalem na'bi-na'bia nagaukangi la'bi ja'dalaka pole. A'balle-ballei ke'nanga siagang a'gau' bawangi, kammayatompa naturukiangi taua a'gau' ja'dala', sa'genna manna sitau tania' ero' toba'. Untu' iNakke yangasenna anjo ke'nanga ja'dalaki sangkamma pandudu'na Sodom siagang Gomora.”

HAKING-HAKING 13:3

Mingka ri se'reang allo nia'mo malaeka'Na Batara ampappicinikangi kalenna mae ri ia. Nakanamo anjo malaekaka ri ia, “Anne siapaya sallona tena nukkulle anggappa ana'. Mingka tenamo nasallo nulatianang, nunggappa sitau ana' bura'ne.

GALATIA 1:8

Lappassammi nihukkung ri Allata'ala anjo tau ambirittakangai “kabara' baji'” simmaraenga siagang Kabara' Baji' nabirittakanga ikambe. Manna pole na ikambe anjo taua, yareka malaeka' battu ri suruga!

1 TIMOTIUS 4:1

Naterassimi Napau RohNa Allata'ala angkanaya ri jammang labattua sallang, nia' sipa'gang tau lambokoi siagang lansassali Almasi. Lamminawang turuki sallang ke'nanga mae ri roh-roh salaya, siagang lanapinawangi ajarang-ajarang setanga,

1 TIMOTIUS 4:2

napabattua tau munapeka siagang tau paballe-ballea. A'jari sassammi ati mailalanna anjo tau kammaya.

1 KARAENG-KARAENG 13:19

Jari amminawammi anjo na'bi battua ri Yehuda mae ri balla'na anjo na'bi toaya nampa angnganre siagang ia.

1 KARAENG-KARAENG 20:35

Lanri parentaNa Batara, nia'mo sitau na'bi battu ri pa'rappunganna anjo na'bia ansuro ba'ji anjo aganna. Mingka taerokai anjo aganna.

PANGNGEBARANG 12:19

Sipakkida mataji natassungkemo balle-ballea, mingka kana-kana tojenga latuli niaki satunggu-tungguna.

PANGNGEBARANG 12:22

Birisiki Batara mae ri tau paballe-ballea; mingka sannangi mae ri tau lambusuka.

PANGNGEBARANG 19:5

Tau a'balle-ballea ri pangadelanga, takkulleai naliliang hukkunganga.

YESAYA 36:10

Nukana battui ikambe ambunduki siagang ambetai pa'rasangannu natena Nibantui ikambe ri Batara? KalenNa Batara ansuroi ikambe battu ambunduki siagang angngancuruki pa'rasangannu.”

YEREMIA 29:31

akkiring kabara' ri passala'na Semaya mae ri sikontu Israel nipelaka ri Babel. Iaminne anjo kabaraka, “Anjo Semaya a'bicarai mae ri kau sanrapang angkanaya na'bi kalenna; padahala' iNakke, Batara, tena naKusuroi. Lanri napa'jari tappa' mako mae ri kana balle-ballea,

YEREMIA 29:32

siagang lanri nasuro mako ambaliangA', jari laKuhukkungi siagang jari-jarina. Tena manna sitau battu ri ke'nanga lammantang ri tangnga-tangngana ikambe untu' anciniki apa-apa baji' Kugaukanga mae ri sikontu ummakKu. INakke, Batara, anne akkana.”

PA'JARIANG 3:13

Akkuta'nammi Karaeng Allata'ala ri anjo bainea angkana, “Angngapa nugaukangi anjo kammaya?” Appialimi angkana, “Nitipua' ri ularaka, sa'genna kukanre anjo rappoa.”

PA'JARIANG 27:24

akkuta'nang inji sikali pole nakana, “Maka Esau tojengko?” Appialimi Yakub angkana, “Tojeng.”

1 KARAENG-KARAENG 22:22

Akkuta'nammi Batara angkana, ‘Antekamma carana?’ Appialimi anjo roh angkana, ‘La'lampa' nampa kupa'jari a'balle-balle ngaseng na'bi-na'bina Ahab.’ Nakanamo Batara, ‘Baji'mi, gaukammi anjo, lakkulleko antu anynyonyoki.’ ”