1 KARAENG-KARAENG 12:13 - KITTA' MATANGKASA'

¹³ Sisalai siagang pappakainga'na yangaseng anjo tau toaya, nabicarai kasara'mi anjo ra'ya' niaka battu andallekang ri ia.

1 KARAENG-KARAENG 12:13 Referans Kwoze

YAKOBUS 3:17

Mingka inai ampatangi kacara'dekang battu ratea ri suruga, iami maci'nong, nangai assiamaka, sombereki, siagang mappilangngeri. Iami sanna' jaina pangngamaseanna siagang a'nyatami panggaukang-panggaukang baji'na. Tena nabattala' siali, siagang tena nangai assara-sarai.

KATO'BA 10:12

Lanri kana-kananna tau cara'deka nanipakalompoi mingka panraki tau toloa lanri kana-kananna tonji.

PANGNGEBARANG 18:23

Tu kasi-asia appalaki siagang kana-kana baji'; appiali tau kalumanynyanga siagang pangga'gara'.

PANGNGEBARANG 13:20

Tau assileporanga siagang tau cara'deka, la'jari cara'deki; tau assileporanga siagang tau toloa, lacilakai.

PANGNGEBARANG 10:32

Kana-kana tau te'nea pa'mai'na appakasannangi nyawa; kana-kana tau ja'dalaka tuli appakapa'risiki pa'mai'.

PANGNGEBARANG 10:11

Kana-kananna tau bajika lappa'niaki tallasa' mate'ne, mingka ri bokona kana-kananna tau ja'dalaka taccokkoi pa'mai' pallaka.

2 SAMUEL 19:43

Appialimi tu Israel angkana, “Ha'na ikambe mae ri karaenga a'lappi sampuloi lompona naha'nu ngaseng, manna pole nanusibija anjo karaenga. Angngapa nanucini' rawa kamma anne ikambe? Teako kaluppai angkanaya ikambemi uru-uru angngussuluki sollanna ia a'jari karaeng ammotere'!” Mingka la'bi terassangngangi nyawana tu Yehuda na tu Israel siagang taerokai nibeta ke'nanga.

1 SAMUEL 20:10

Akkuta'nammi Daud angkana, “Inai lampauanga' punna appiali sanna' larrona manggenu mae ri kau?”

KALAPPASSANG 10:28

Nakana karaenga ri Musa, “Bellako ri dallekangku! Teama' anciniki tanja'nu! Punna kuciniki pole tanja'nu, tena tamatenu!”

KALAPPASSANG 5:2

Akkuta'nammi karaenga angkana, “Inaika anjo Batara? Angngapa naIa musti kujampangi na kusare ising bansa Israel a'lampa? Tena nakuassengi anjo Batara, siagang tena nakupassareang a'lampa tu Israel.”

PA'JARIANG 42:30

“Kasara' sikali bicaranna anjo guburnur Mesir mae ri kambe. Nampa natudu pole ikambe ammata-matai pa'rasanganna.

PA'JARIANG 42:7

Ri wattu nacini'na Yusuf anjo sikamma daenna, narupami ke'nanga. Mingka sara-sarai tanaassenga ke'nanga. Kasara'mi bicaranna ri ke'nanga. Akkuta'nangi angkana, “Ikau ngaseng anne tu battu kemaeko?” Appialimi ke'nanga angkana, “Ikambe tubattu ri Kanaan. Battui ikambe untu' ammalli apa lanakanrea ikambe.”

PA'JARIANG 16:6

Appialimi Abram angkana, “Baji'mi. Anjo Hagar atannu, siagang koasako ri kalenna; gaukammi mae ri ia apa ero'nu.” Jari sanna'mi sekke'na Sarai mae ri Hagar, sa'genna larimo Hagar.

PANGNGEBARANG 15:1

Pappiali lammaya, ampa'jari naungi larroa; pappiali passea appaumbai larro.

1 KARAENG-KARAENG 12:12

Tallungallo pole, battumi pole Yerobeam siagang sikontu anjo taua andallekang ri Karaeng Rehabeam, sangkamma niparentakanga mae ri ke'nanga.

1 KARAENG-KARAENG 12:14

Na situru' pappakainga'na anjo tau rungka-rungkaya, nakanamo, “Nasareko manggeku tanggongang battala', mingka lakupa'jari battallangngangi pole anjo tanggongannu. Nacambokko siagang paccambo', mingka inakke lakucambokko siagang paccambo' akkatintinga bassi!”

KATO'BA 2:19

Nampa inai akkulle angngassengi angkanaya cara'deki yareka toloi kalenna? Mingka manna antekamma iami lampatangi sikamma wassele' usahaku, ia kugappaya lalang tallasakku ri anne linoa, lanri akkaresoku siagang lanri kacara'dekangku. Jari, anjo sia-sia tonji.